Aqmola oblysynyń bas memlekettik sanitarlyq dárigeri Ainagúl Mýsina turǵyndardy bosańsymaýǵa jáne barlyq sanitarlyq normalardy saqtaýǵa shaqyrdy, dep habarlaidy "Ult aqparat".
«Aqmola oblysynyń aimaqtary boiynsha aitar bolsaq: «qyzyl» aimaqta Kókshetaý, Shortandy, Astrahan aýdandary jáne Birjan sal aýdany, «sary» aimaqta - Stepnogor, Aqkól, Arshaly, Býrabai, Esil, Qorǵaljyn jáne Zerendi aýdandary, «jasyl» aimaqta - qalǵan barlyq aýdandar», - dep aitty A.Mýsina.
Onyń aitýynsha, Arshaly, Tselinograd, Shortandy jáne Aqkól aýdandarynda aýrýdyń ósý úrdisi baiqalady. Bul «qyzyl» aimaqtaǵy Nur-Sultan qalasyna halyqtyń kúndelikti qatynaýymen bailanysty.
Máselen, 31 naýryzdaǵy jaǵdai boiynsha oblysta COVID-19 zerthanalyq rastalǵan 15370 jaǵdai tirkelgen, onyń 104-i ólimge ushyraǵan. Sońǵy táýlikte COVID-19 zerthanalyq rastalǵan 48 jaǵdai tirkeldi, onyń ishinde 36 belgileri bar jáne 12 belgileri joq.
«QR-da virýstyń jańa shtamdarynyń paida bolýyna bailanysty KVI-diń ainalymdaǵy shtammdaryna zertteýler júrgizilýde. Dúniejúzilik densaýlyq saqtaý uiymymen birlesip COVID-19 shtammdaryn anyqtaýǵa ekspress-PTR-skriningtiń jańa ádistemesi engizildi. Densaýlyq saqtaý ministrligi shtammdarǵa zertteý júrgizdi jáne elimizdiń barlyq óńirleri boiynsha KVI naýqastarynan synamalar alyndy. Aqmola oblysynda zerttelgen 10 synamanyń ishinen bir naýqasta oń nátije anyqtaldy.
Zertteý nátijeleri boiynsha «britandyq», «Ońtústik Afrika», «braziliialyq» shtamdarǵa tán mýtatsiia yqtimaldyǵy anyqtaldy. Mýtatsiianyń bolýyn jáne onyń osy shtamdardyń birine jatatynyn túpkilikti rastaý bir ai ishinde aiqyndalatyn bolady. KVI - diń mýtatsiiamen aldyn-alý jáne emdeý qazirgi kezdegi tásilderge uqsas», - dep túsindirdi bas dáriger.
Sonymen qatar, A.Mýsina aqmolalyqtar men oblys qonaqtaryn «jasyl» aimaqta bolǵanyna qaramastan bosańsymaýǵa shaqyrdy.
