Aqmola oblysynda karantinniń shekteý sharalaryn kúsheitý týraly óńirdiń bas sanitarlyq dárigeriniń kezekti qaýlysy shyqty, dep habarlaidy "Ult aqparat".
Jańa qaýlyda otbasylyq, estelik (banket, úilený toi, mereitoi, duǵa) jáne kópshilik jinalatyn ózge de is-sharalardy qoǵamdyq tamaqtaný obektilerinde jáne úide ótkizýge tyiym salynyp otyr. Sonymen birge, qoǵamdyq tamaqtaný obektilerinde jáne úide (otbasylyq, estelik is-sharalary (banket, úilený toi, mereitoi, merekelik korporativ, lotereia utys oiyny) uiymdastyrylǵan kópshilik jinalatyn is-sharalarǵa, sondai-aq qyzmeti QR jáne Aqmola oblysynyń BMSD-niń qoldanystaǵy qaýlylarymen shektelgen obektilerge barýdan bas tartý usynyldy.
«Kópshilik is-sharalaryn (merekelik, kópshilik sport, oiyn-saýyq mádeni-kópshilik is-sharalardy, forým, konferentsiia t.b. ótkizýge), otbasylyq is-sharalardy (banket, úilený toiy, mereitoi, merekelik korporativ, duǵa) jáne kópshilik jinalatyn ózge de is-sharalardy, onyń ishinde úide ótkizýge tyiym salynady. Oiyn-saýyq mekemeleri (karaoke, biliard, kompiýter klýbtary, túngi, oiyn klýbtar, boýling ortalyqtary, jabyq úi-jailardaǵy balalardyń oiyn alańdary men attraktsiondary, batýt jáne taǵy basqalar), býkmeker keńseleriniń jáne eresekter men balalarǵa arnalǵan ózge de oiyn-saýyq, kalian oryndarynyń (onyń ishinde qoǵamdyq tamaqtaný obektilerindegi) qyzmeti toqtatylady. Merekelik korporativterdi uiymdastyrý men ótkizýge, kórermenderdiń qatysýymen sport is-sharalaryn ótkizýge tyiym salynady»,- delingen qaýylda.
Budan bólek, banket zaldary, balalarǵa arnalǵan oiyn-saýyq ortalyqtary, mádeniet obektiler, kinoteatr, teatr, kontsert zaldary, júieli júrmeitin oblysaralyq jáne qalalyq (týristik tasymal) qozǵalysyn toqtatady.
Al senbi men jeksenbide jabyq azyq-túlik emes bazarlardyń, saýda oiyn-saýyq ortalyqtary, saýda úileri, saýda ortalyqtarynyń, balalar oiyn alańdary men attraktsiondarynyń, fitnes ortalyqtary, trenajer zaldary men sport-saýyqtyrý ortalyqtarynyń, saýna, bassein, SPA ortalyqtarynyń qyzmetine tyiym salynady.
Sonymen qatar, shtattyq kestede 20-dan artyq qyzmetker bolǵanda, qyzmetkerlerdiń keminde 80 paiyzy qashyqtyqtan jumys atqarady.
Jańa qaýly 2021 jylǵy 11 sáýirde saǵat 00.00-den bastap kúshine enedi.
