Aqmola oblysynyń bas sanitariialyq dárigeriniń oblys aýmaǵynda karantindik shekteý sharalaryn kúsheitý týraly kezekti Qaýlysy shyqty, dep habarlaidy "Ult aqparat".
Jańa Qaýly qalyptasqan epidemiologiialyq jaǵdaiǵa bailanysty uzartý jáne jeńildetý yqtimaldyǵymen 2020 jylǵy 28 qarasha kúni saǵat 00:00-den bastap kúshine enedi. Oǵan sáikes:
• jeke qorǵanysh quraldaryn (bir ret jáne birneshe ret qoldanylatyn betperdelerdi) qoldaný jáne kádege jaratý algoritmin, keminde 2 metr áleýmettik qashyqtyqty saqtaý qajet;
• Kókshetaý qalasy (Krasnyi Iar aýyly, Chaikino, Stantsionnyi kentteriniń), Stepnogorsk qalasynyń aýmaǵy boiynsha júrip–turýdy saǵat 21:00-den saǵat 06:00-ge deiin shekteledi. Aqmola oblysynyń qalǵan eldi mekenderindei júrip-turý saǵat 23:00-den saǵat 06:00-ge deiin shekteledi;
• otbasylyq, estelik is-sharalardy (banket, úilený toi, mereitoi, duǵa) jáne kópshilik jinalatyn ózge de is-sharalardy, onyń ishinde úide ótkizýge tyiym salynady;
• oblys turǵyndarynyń qoǵamdyq tamaqtaný obektilerinde (otbasylyq, estelik is-sharalar (banket, úilený toi, mereitoi, duǵa), sondai-aq úide uiymdastyrylǵan kópshilik jinalatyn is-sharalarǵa barýyna tyiym salynady;
• azyq-túlik, birinshi kezekte qajetti taýarlar, dári-dármek jáne meditsina buiymdaryn satyp alýǵa, shuǵyl jaǵdai boiynsha meditsinalyq mekemege barýdy qospaǵanda, 65 jastan asqan adamdarǵa asa qajetti sebeptersiz úilerinen shyqpaýǵa keńes beriledi;
• áleýmettik qashyqtyqty jáne jeke qorǵanysh quraldaryn (bir ret jáne birneshe ret qoldanylatyn betperdelerdi) qoldaný men kádege jaratýdy saqtai otyryp, oiyn-saýyq oryndarsyz saiabaqtarǵa, alańdarǵa, skverlerge jáne ózge de demalys oryndaryna topta 3 adamnan artyq emes nemese bir otbasy múshelerine barýǵa ruqsat beriledi;
• jerleý is-sharalaryn júrgizý kezinde keminde 2 metr qashyqtyqty saqtai otyryp, (otbasy músheleri) 30 adamnan artyq jinalýǵa jol berilmeidi;
• Kókshetaý, Stepnogorsk qalalarynyń karantindik aimaqtaryna/aimaqtarynan azamattardyń kirýine/shyǵýyna tyiym salynady;
• Kókshetaý, Stepnogorsk qalalaryn qospaǵanda, oblys turǵyndarynyń bir aýdannan/qaladan ekinshi aýdanǵa/qalaǵa kedergisiz júrip-turýyna ruqsat beriledi;
• sanitariialyq beketterden (jol paraqtaryn, jumys nariadtaryn, jospar–tapsyrmalardy, taýar júkqujattaryn, issapar qujattaryn, meditsinalyq mekemelerdiń joldamalaryn, jeke kýálikterin kórsetken kezde) myna tulǵalarǵa kedergisiz kirýge/shyǵýǵa ruqsat etiledi:
jolaýshylar men júk tasymaldaýshylary; vahta qyzmetkerlerin tasymaldaityn kólik quraldary; COVID-19 taralýynyń aldyn alý jónindegi is-sharalaryna tartylǵan kólik pen adamdar, uiymdar; tirshilikti qamtamasyz etetin kásiporyndar (onyń ishinde jabdyqtardy baptaý boiynsha servistik qyzmet kórsetýdi qamtamasyz etetin kásiporyndar), kólik pen adamdar, uiymdar; «SSTOPCORONA.KZ» saitynda tirkelgen, PTR ádisimen COVID-19-ǵa testileýdiń teris nátijesi bar, ony alǵan sátten bastap 30 táýlikten aspaǵan anyqtama bolǵan jaǵdaida Aqmola oblysynda turmaityn tamaq ónimderin óndirýshiler men aýyl sharýashylyǵy taýaróndirýshileri, kólik pen adamdar; quqyq belgileitin qujattardy usynǵan kezde qala syrtyndaǵy úilerge (saiajailarǵa) barý úshin turaqty turatyn jerine qaityp keletin adamdar men oblys turǵyndary (bir otbasy músheleri);
• PTR ádisimen COVID-19-ǵa testileýdiń teris nátijesi bar, ony alǵan sátten bastap 3 táýlikten aspaǵan anyqtama bolǵan jaǵdaida, Aqmola oblysynda turmaityn adamdardyń kirýine; Kókshetaý, Stepnogorsk qalalarynyń politsiia basqarmasymen birlesip Kókshetaý, Stepnogorsk qalalarynyń karantindik aimaǵynyń perimetrin ýaqytsha belgileýdi, sanitariialyq beketterdi ornata otyryp, oǵan kirý/shyǵý pýnktterin ornatý qamtamasyz etiledi;
• kópshilik is-sharalaryn (merekelik, sporttyq kópshilik, oiyn-saýyq mádeni-kópshilik is-sharalardy, forým, konferentsiia, seminar, kórme jáne t.b. ótkizýge), otbasylyq, estelik is-sharalardy (banketter, úilený toilary, mereitoilar, duǵa) jáne kópshilik jinalatyn ózge de is-sharalardy, onyń ishinde úide ótkizýge tyiym salynady;
• oiyn-saýyq mekemeleriniń (karaoke, biliard, kompiýter klýbtary, túngi klýbtar, boýling ortalyqtary, jabyq úi-jailardaǵy balalardyń oiyn alańdary men attraktsiondary, batýttar jáne taǵy basqalar), býkmeker keńseleriniń jáne eresekter men balalarǵa arnalǵan ózge de oiyn-saýyq oryndarynyń, kalian mekemeleriniń (onyń ishinde qoǵamdyq tamaqtaný obektilerindegi) qyzmetine tyiym salynady;
• fýdkort, banket zaldarynyń qyzmetine tyiym salynady;
• sportshylardyń Qazaqstan Respýblikasynan tys jerlerde oqý-jattyǵý jiyndary men jarystarǵa qatysýy úshin shyǵyýna tyiym salynady;
• QR BMSD-niń №58 qaýlysyna 3-qosymshaǵa sáikes algoritmdi saqtai otyryp, (qashyqtyq formatynda ótkizýge múmkindik bolmaǵan jaǵdaida) betpe-bet jinalystar (otyrystar) ótkizýge ruqsat beriledi;
• dini obektilerdiń (meshit, shirkeý, sobor, sinagoga jáne t. b.) qyzmeti toqtatylady;
• mádeniet obektileriniń (jeke, toppen repetitsiia), kitaphanalar, murajailardiń qyzmeti toqtatylady;
• teatr, kinoteatr qyzmetine tyiym salynady;
• turaqty emes qala mańyndaǵy jolaýshylar poezdarynyń/elektrpoezdardyń júrýine toqtata turý, ortaq vagondardy, qalaaralyq, oblysaralyq, oblysishilik avtobýs, mikroavtobýs tasymaldary qalyptastyrylady;
• bekitilgen keste boiynsha sanitariialyq kún ótkize otyryp, Kókshetaý qalasyndaǵy azyq-túlik dúkenderi, shaǵyn marketter, sýpermarketter, gipermarketter jumys rejimi saǵat 07:00-den 20:30-ǵa deiin, Aqmola oblysynyń basqa eldi mekenderinde saǵat 07:00-den 22:00-ge deiin shekteledi;
• (eldi mekennen tys) kólikke janarmai quiý stantsiialarynda ornalasqan azyq-túlik dúkenderiniń jumys rejimin saǵat 07:00-den 23:00-ge deiin, tamaqty tek syrtqa shyǵarýǵa saǵat 23.00-den 06.00-ge deiin shekteledi;
• Kókshetaý, Stepnogorsk qalalary boiynsha taksi qyzmetin kórsetý saǵat 21:00-den 06.00-ge deiin shekteledi (otbasy múshelerin qospaǵanda, 2 adamnan artyq emes);
• kelýshilerdiń sanyn 30%-dan asyrmai jáne bir kelýshige keminde 4 sh.m. saqtalǵan, alańy 500 sh.m-den. artyq azyq-túlik emes dúkenderdiń (jeke turǵan) qyzmeti jumys kúnderi saǵat 09.00-den 20.30-ǵa deiin shekteledi. Aqmola oblysynyń qalǵan eldi mekenderinde qurylys materialdary men qosalqy bólshekterdi (jumys ýaqyty saǵat 10.00-den 17.00-ge deiin jáne kelýshilerdiń sanyn 30%-dan asyrmai jáne bir kelýshige keminde 4 sh.m. saqtalǵan) satatyn dúkenderdi, onyń ishindegi azyq-túlik sýpermarketteri men dárihanalaryn qospaǵanda, jeksenbi jáne mereke kúnderi qyzmeti toqtatylady.
