Aqmola oblysynda bir táýliktiń ishinde jolda qalǵan 56 adam jylytý pýnktterine evakýatsiialandy, onyń altaýy bala, dep habarlaidy "Ult aqparat" oblystyq TJD baspasóz qyzmetine silteme jasap.
Vedomstvonyń málimetinshe, evakýatsiialaý sharalary jergilikti atqarýshy organdar, meditsina jáne politsiia qyzmetkerlerimen birlesip ótkizildi.
«Qutqarýshylar azamattardy óńirdiń blok-beketterinen jylytý pýnktterine evakýatsiialady. Máselen, tek Sandyqtaý aýdanynda 30 adam evakýatsiialandy. Olardyń barlyǵy aýdannyń jylytý pýnktine jetkizildi. Taǵy 11 adam, onyń ishinde 3 bala Ereimentaý aýdanynyń pýnktine ornalastyryldy. Jaqsy aýdanynda qutqarýshylar dárigerlermen birge júkti áieldi aýdandyq aýrýhanaǵa jetkizdi. Sol kúni Zaporoje aýylynda jedel soqyrishek diagnozy qoiylǵan bes jasar balany qutqarýshylar aýrýhanaǵa jetkizdi. Qalyń qar saldarynan jedel járdem kóligi patsientterge jete almady. Qazir áiel men bala aýrýhanada jatyr, jaǵdaiy qanaǵattanarlyq», - dedi Aqmola oblysy TJD bastyǵynyń orynbasary Qanat Dospaev.
Aita keteiik, biylǵy jylǵa naýryzdyń 11-de aýa temperatýrasynyń tómendeýi, boran, kóktaiǵaqtyń saldarynan Aqmola oblysy aýmaǵynda respýblikalyq jáne oblystyq mańyzy bar avtojoldardyń ýchaskeleri jabyldy.
