© Sputnik / Aisýlý Jýmagýlova
Aqmola garnizony áskeri sotynda asa iri kólemde janar-jaǵarmai urlady dep aiyptalǵan Ulttyq ulannyń bes áskeri qyzmetshisine qatysty qylmystyq is boiynsha úkim jariialandy, dep habarlaidy áskeri sottyń baspasóz qyzmeti.
Sot anyqtaǵandai, 2019-2022 jyldar aralyǵynda 4 áskeri qyzmetshi ózderiniń qyzmettik jaǵdaiyn paidalana otyryp, jalpy quny 448 mln teńge bolatyn áskeri bólimniń otynyn jymqyrǵan. Urlanǵan otyndy jeke tulǵalarǵa ótkizgen.
"Taǵy bir sottalýshy qyzmetine salǵyrt qaraǵan, saldary aýyr zardaptarǵa alyp keldi. Áskeri bólimniń búkil otyn qyzmetiniń jumysyna baqylaýdyń bolmaýynan memleketke materialdyq zalal kelgen", - dep habarlady áskeri sotta.
Kórsetilgen mán-jailar sottalýshylardyń óz aiǵaqtary, jábirlenýshi tarap ókilderi men kýágerlerdiń jaýaptary, is boiynsha júrgizgen aýditorlyq tekserý, sot saraptamalary, telefonmen sóilesý stenogrammalary, aqsha qarajatyn aýdarý jáne qylmystyq istiń basqa materialdary arqyly anyqtaldy.
Sot aiyptalýshylardyń barlyǵyn kináli dep tanydy. 4 áskeri qyzmetshi 9dan 10 jylǵa deiin bas bostandyǵynan aiyryldy.
"A" esimdi sottalýshy qyzmetine salǵyrt qaraý saldarynan aýyr zardaptarǵa ákelgeni úshin kináli dep tanyldy. Ol 2 jyl 6 ai merzimge bas bostandyǵynan aiyryldy", - delingen sot habarlamasynda.
Sottalǵandardan ortaq tártipte keltirilgen materialdyq zalal óndirildi.
