Foto: Aikyn.kz
Memleket basshysy Qasym-Jomart Toqaevtyń agroónerkásip keshenin damytý jónindegi tapsyrmalaryn júzege asyrý sheńberinde Qazaqstan Respýblikasy Úkimeti QR Aýyl sharýashylyǵy ministrligi men «Aziia Altyn Dán» JShS arasynda Aqmola oblysynda astyqty tereń óńdeý zaýytyn salý jobasy boiynsha investitsiialar týraly kelisimge qol qoiýdy maquldady. Premer-ministr Oljas Bektenov tiisti qaýlyǵa qol qoidy, dep habarlaidy Ult.kz.
Astyqty tereń óńdeitin zamanaýi joǵary tehnologiialyq zaýyt Aqmola indýstriialyq aimaǵynda 500 gektar aýmaqta salynyp jatyr. Ol agroónerkásip kesheniniń óńdeý sektoryndaǵy eń iri kásiporyndardyń birine ainalady, al jobanyń basty ereksheligi – onyń aýqymy men astyqty biotehnologiialyq ári qaldyqsyz óńdeýge baǵyttalýy.
Jalpy investitsiia kólemi 300 mlrd teńge, kásiporynnyń óndiris qýaty jylyna 6 mln tonnaǵa deiin jetedi.
Ekonomikalyq áseri keshendi bolady dep kútilýde. Joba astyqty tolyq tsiklmen óńdeýdi jáne joǵary qosylǵan quny bar ónimder shyǵarýdy kózdeidi — un jáne jarma ónimderinen bastap aýyl sharýashylyǵy janýarlaryna arnalǵan daiyn jemge deiin. Ony iske asyrý eksport qurylymyn ártaraptandyrýǵa, jergilikti shikizatty paidalaný deńgeiin arttyrýǵa jáne eldiń importqa táýeldiligin aitarlyqtai tómendetýge múmkindik beredi.
Jobany iske asyrý óńirdiń áleýmettik-ekonomikalyq damýyna eleýli áser etedi. Kásiporynda shamamen 800 jańa jumys orny ashylady. Kelisim aiasynda investor bilikti tehnikalyq mamandar men bioinjeneriia salasyndaǵy kadrlardy daiarlaý mindetin ózine alady — jylda 40 adamǵa deiin. Daiyndyq úzdiksiz bilim berý júiesin engizý arqyly, onyń ishinde sheteldik taǵylymdamalar men halyqaralyq almasý baǵdarlamalaryn qamti otyryp júzege asyrylady.
Zaýyt bazasynda zamanaýi ǵylymi-zertteý jáne tehnologiialyq zerthana qurý josparlanyp otyr. Sonymen qatar investor indýstriialyq aimaqtyń syrtqy injenerlik-kommýnikatsiialyq infraqurylymyn damytýǵa qosymsha qarajat bóledi.
Kásiporyn paidalanýǵa berilgennen keiin aldaǵy ýaqytta Astana – Qaraǵandy avtomagistralinde jolaiyryǵy bar ótkel, sondai-aq magistraldyq temirjol arqyly indýstriialyq aimaqqa aparatyn avtomobil jolyn salý kózdelgen.
Investor aýdannyń áleýmettik infraqurylymyn damytýǵa da belsendi qatysýdy josparlap otyr. Joba tolyq iske qosylǵannan keiin jyl saiyn bilim berý, mádeniet, buqaralyq sport, jastar saiasaty jáne densaýlyq saqtaý salalaryndaǵy áleýmettik bastamalardy qoldaýǵa qarjy bólinedi.
Sonymen qatar kásiporyn iske qosylǵannan keiingi eki jyl ishinde júzý basseini men jekpe-jek zaldary bar kópfýnktsionaldy sporttyq-saýyqtyrý kesheni salynady. Bul keshen barlyq turǵyndarǵa qoljetimdi bolady.
Jalpy zaýyttyń iske qosylýy elimizdiń azyq-túlik jáne ekonomikalyq qaýipsizdik deńgeiin arttyrady, eksport qurylymyndaǵy óńdelgen ónim úlesin kóbeitedi jáne Qazaqstannyń shikizat emes, joǵary tehnologiialyq agroónerkásiptik ónim jetkizýshi retindegi pozitsiiasyn nyǵaitady.
