Aqmola oblysynda 38 blokpostyń altaýy qaldy, dep habarlaidy Aqmola oblysy boiynsha taýarlar men kórsetiletin qyzmetterdiń sapasy men qaýipsizdigin baqylaý departamenti.
Departament basshysy Ainagúl Mýsinanyń aitýynsha, qalǵan blokpostar kórshi oblystarǵa qatynaityn joldardyń boiynda ornalasqan. Sonymen qatar, Tselinograd aýdanynda ainala ornalasqan blokpostar ázirge jumysyn jalǵastyrýda.
«Oblys boiynsha barlyǵy 38 blokpostyń altaýy qaldy», - deidi vedomstvo basshysy.
Sonymen qatar, departamentten atap ótkendei, apta ishinde koronavirýs oqiǵasy oblysta 2 ese ulǵaiyp, 25 test nátijesi oń bolyp otyr.
Aita keteiik, sońǵy málimetter boiynsha indet taraǵannan beri Aqmola oblysynda COVID-19 jalpy 126 (+1) adamda rastaldy, 96 adam jazylyp shyqty jáne 4 adam qaitys bolǵan.
