Búgin Memlekettik hatshy Qyrymbek Kósherbaev sybailas jemqorlyqpen kúres máseleleri jóninde keńes ótkizdi. Is-sharada jerdi tiimsiz paidalaný máselesi kóterildi, dep habarlaidy "Ult aqparat" Aqordanyń baspasóz qyzmetine silteme jasap.
Jiynda paidalanylmaityn aýyl sharýashylyǵy jerlerin keri qaitarý boiynsha jergilikti atqarýshy organdardyń jumysynyń enjarlyǵy jeke atap ótildi.
«Mysaly, Aqmola, Shyǵys Qazaqstan, Qostanai jáne Mańǵystaý oblystarynda Jerdi qashyqtyqtan zondtaý pilottyq jobasynyń nátijeleri boiynsha jer inspektsiialary bergen málimetterden edáýir kóp aýyl sharýashylyǵy alqaptary paidalanylmai jatqany anyqtaldy. Oblystar men respýblikalyq mańyzy bar qalalardyń ákimderiniń nazaryn jeke turǵyn úi qurylysy úshin jer ýchaskelerin berý salasynda jinaqtalǵan problemalardy jedel joiýǵa aýdartty» delingen habarlamada.
Atap aitqanda, olarǵa jáne salalyq ministrlikterge jeke turǵyn úi qurylysyna arnalǵan massivterdi kommýnaldyq infraqurylymmen jabdyqtaý máselelerin sheshýdiń balama joldaryn ázirleý usynyldy.
Aita keteiik, talqylaý barysynda baiandamashylarǵa jer quqyǵy qatynastary salasynda, birinshi kezekte kásipkerlik jáne jeke turǵyn úi qurylysy muqtajy úshin jer berý kezinde barynsha ashyqtyq pen júielilikti qamtamasyz etý tapsyryldy.
