Foto: © RIA Novosti / Nina Zotina
Ortalyq sailaý komissiiasynyń tóraǵasy Nurlan Ábdirov respýblikalyq mańyzy bar qala jáne aýdan ákimderiniń sailaýy 5 qarashada ótetinin málimdedi.
Saiasattanýshy Maqsat Jaqaýdyń aitýynsha, ákimderdiń sailanýy - saiasi reformanyń nátijesi.
"Sonymen 5-qarashada elimiz alǵash ret jergilikti bilikti ózi sailai bastaidy. Dál solai, byltyr bastalǵan saiasi reformalardyń aiasynda, Prezidenttiń bastamasymen qazaqstandyqtar 17 aimaqta 45 aýdannyń jáne respýblikalyq mańyzy bar qalalardyń ákimderin tikelei sailaý arqyly anyqtai alady. Bul - demokratiialyq jariialyqtyń arqasynda jergilikti atqarýshy bilikti halyq sailaidy degen sóz" - dep jazdy saiasattanýshy óziniń Facebook paraqshasynda.
Onyń sózinshe, bilik ortalyqsyzdandyrýdy kúsheitip jatyr. Taǵaiyndalmaly ákimderdiń ornyna sailanbaly dástúrmen aimaq menedjerleri, saiasi tulǵalardyń kelý naýqany bastalady.
"Búgin Ortalyq sailaý komissiiasynyń arnaiy otyrysynda, ákimderdi 25 jastan joǵary, memlekettik qyzmettegi eńbek stajyna qarai, kez-kelgen saiasi partiianyń, nemese ózin-ózi usynýshylardyń qatysýymen júzege asyratyny týraly aityldy. Iaǵni, sailanbaly qaǵidalar ádildik, ashyqtyq jáne zańdylyq normalarymen oryndalmaq.
Eger saiasi damý tarihymen aitsaq, elimizde tuńǵysh ret aýdan men qalalardyń ákimderin sailaý ótpek. Demokratiialyq satylai damýdyń úlken bir qadamy, ákimder sailaýy bolsa, saiasi reformalardyń nátijege qimyldap otyrǵany emes pe?!
Bul sailaýdan tek qazaqstandyqtar, elimizdiń bolashaǵy utady!" - deidi ol.
