Barlyq óńir ákimderi naýqastardy koronavirýsqa test zertteýimen qamtamasyz etýi tiis. Bul týraly Úkimet otyrysynda QR Densaýlyq saqtaý ministriniń mindetin atqarýshy Lázzat Aqtaeva aitty, dep habarlaidy QazAqparat.
«Halyqtyń meditsinalyq kómekke júginýiniń ósýi men halyqqa ýaqtyly jáne sapaly meditsinalyq kómek kórsetýdi qamtamasyz etý qajettiligin eskere otyryp, oblystardyń, Nur-Sultan, Almaty, Shymkent qalalarynyń ákimderine meditsinalyq kómek kórsetýdi qamtamasyz etý jóninde sharalar qabyldaýdy, onyń ishinde:
- jedel járdem stantsiialary men emhanalardaǵy call-ortalyqtardyń qýatyn arttyrýdy;
- jedel meditsinalyq járdem stantsiialarynyń shuǵyl jáne kezek kúttirmeitin shaqyrýlarǵa ýaqtyly qyzmet kórsetýin qamtamasyz etýdi;
- menshik nysanyna qaramastan óńirdegi bar resýrstardy tarta otyryp, naýqastardy koronavirýsqa test zertteýimen qamtýdy qamtamasyz etýdi usynamyn», - dedi Lázzat Aqtaeva.
Sonymen qatar ministrdiń mindetin atqarýshy infektsiialyq jáne provizorlyq tósekterdiń talap etiletin sanyn qamtamasyz etý qajettigin atap ótti.
«Ambýlatoriialyq-emhanalyq kómek deńgeiinde úidegi patsientterge sapaly dinamikalyq baqylaýdy júzege asyrýdy; meditsinalyq uiymdar bazasynda qosymsha zerthanalardy ashý arqyly Bas memlekettik sanitariialyq dárigerdiń qaýlysyna sáikes halyqty PTR-testileýmen qamtýdy keńeitýdi, halyqpen belsendi aqparattyq-túsindirý jumysyn júrgizýdi usynamyn», - dedi ol.
