Qazaqstan Respýblikasynyń Prezidenti Qasym-Jomart Toqaev elimizdiń eń joǵary ataǵy – «Qazaqstannyń eńbek eri» marapatyn tabys etti, dep habarlaidy QazAqparat.
«Búgin bir top qairatkerimiz meniń Jarlyǵymmen memlekettik marapattarǵa ie boldy. Biyl elimizdiń eń joǵary ataǵy kórnekti jazýshy, dramatýrg Ákim Taraziǵa berildi. Ol rýhaniiatymyzdy damytýǵa jáne qoǵamdy kelisimdi nyǵaitýǵa ólsheýsiz qosyp, «Qazaqstannyń eńbek eri» atandy. Kórnekti qalamgerdiń shyǵarmashylyq joly – jas urpaqqa qashanda úlgi-ónege.
Nur-Sultan qalasyndaǵy Kópbeiindi meditsina ortalyǵynyń direktory Muhtar Tóletaev «Qazaqstannyń eńbek eri» ataǵyna ie boldy. Ol basqaratyn aýrýhana ujymy pandemiia bastalǵanna beri koronavirýs juqtyrǵan 15 myń adamdy emdep shyǵarǵan. Qaterli isikke shaldyqqan jandarǵa osy mekemede byltyr 3 myń ota jasaldy, 8 myń adam aýrýynan aiyqty. Osy oraida dárigerlerimizdiń eńegi qandai qurmetke de laiyq», - dedi Memleket basshysy memlekettik nagradalar iegerlerin marapattaý rásiminde.
Sondai-aq «Qazaqstannyń eńbek eri» ataǵy Shyǵys Qazaqstan oblysynyń «Qazmyrysh» JShS bas direktory A.Hmelevke berildi. Ol shirek ǵasyrdan beri óndiriste jumys istep, qatardaǵy elektromehanikten basshy laýazymyna deiin kóterilgen jáne óndiristiń jańǵyrýy men elimizdiń ónerkásiptik áleýetin nyǵaitýǵa úlken úles qosqan.
Aita keteiik, Aqordada Memleket basshysynyń Jarlyǵymen elimizdiń áleýmettik-ekonomikalyq jáne mádeni damýyna, halyqtar arasyndaǵy dostyq pen yntymaqtastyqty nyǵaitýǵa qosqan eleýli úlesi, belsendi qoǵamdyq qyzmeti úshin bir top azamat memlekettik nagradalarmen marapattaldy.
