Túrkistan oblysy Arys qalasyna qarasty Montaitas aýylynyń turǵyny 86 jastaǵy qariia Úsipbek Saparbekov sailaý ýchaskesine kelip alǵashqy bolyp óz daýysyn berdi.
Bul týraly "Ult aqparat" Túrkistan oblysynyń óńirlik kommýnikatsiialar qyzmetine silteme jasap habarlaidy.
Aýyldaǵy B.Ontaev kóshesinde ornalasqan №20 sailaý ýchaskesinde daýys berý tańǵy saǵat 07:00-de bastalyp ketken. Aýyl aqsaqaly el bolashaǵyna bei-jai qaramaityndyǵyn aityp, úmitkerlerge sáttilik tilep aq batasyn berdi.
Aita keteiik, Arys qalasynda jalpy 12 sailaý ýchaskesi jumys istep tur. Jalpy qalaǵa qarasty aýyl okrýgterde 10 440 azamat daýys beredi dep kútilýde.
