Atyraý oblysy ákiminiń birinshi orynbasary Serik Shapkenov Teńiz vahtalyq eldi mekeninde jumysshylarmen kezdesýden keiin túsinik berdi, dep habarlaidy QazAqparat.
«Búgingi kezdesýde máseleniń mán-jaiyn anyqtap sóilestik. Oblys ákimi Nurlan Asqarulynyń ókimimen qazirgi tańda komissiia quryldy. Bul komissiiany men basqaratyn bolamyn», - dedi S. Shapkenov.
Osy oraida ol komissiianyń qorytyndysy boiynsha taǵy da kezdesý ótkiziletinin atap ótti.
«Qazirgi tańda Teńiz kenishinde jaǵdai turaqty. Jumysshylar ózderiniń qyzmetterine kiristi. Buqaralyq aqparat quraldarynda, áleýmettik jelilerde taraǵan kisi ólimi faktisi boldy degen - jalǵan aqparat. 30-ǵa tarta adam jeńil jaraqat aldy», - dedi oblys ákiminiń birinshi orynbasary.
Budan buryn habarlanǵandai, búgin saǵat 11:00 shamasynda «Teńiz» vahtalyq qalashyǵynda (Jylyoi aýdany Qulsary qalasynan 120 km, Atyraý qalasynan 340 km) «Sohsolited Contracting Endihering and Prourement S.A.L Offshore (CSER)» kompaniiasynyń jumysshylary jumys ýchaskesine jinalyp, Liviia azamaty Eli Daoud-tiń jaqynda WhatsApp jelisiniń profiline ornalastyrǵan fotosýretine narazylyq bildirdi.
Oqiǵa ornyna barlyq quzyrly organdardyń basshylary men aýdan prokýrory bardy.
Keiin Teńiz vahtalyq qalashyǵynda jaǵdai turaqtanǵany málim boldy. Jumysshylarmen Atyraý oblysy ákiminiń birinshi orynbasary kezdesti. «Onyń qorytyndysy boiynsha, jumysshylar ózderiniń qyzmetterine kiristi, jaǵdai turaqtandy. TShO meditsinalyq pýnktinde 30 adamǵa kómek kórsetildi. Qazirgi kezde olardyń densaýlyq jaǵdaiyna qatysty eshqandai qaýip joq. Qaza bolǵandar tirkelmedi», - dedi oblys ákimdiginen.
Atyraý oblysynyń Politsiia departamenti oqiǵaǵa bailanysty sotqa deiingi tergeýdi bastady.
