- Qaraǵandy oblysynda elimizdiń eks-premer-ministri Serik Ahmetovtiń qylmystyq isine qatysty úsh adamnyń jazasyn jumsartty jáne olar aqshalai aiyppul tólep, bostandyqqa shyqty, dep habarlaidy Ult.kz tilshisi QazAqparat agenttigine silteme jasap.
«Abai aýdandyq soty sottalýshylar Aidar Telgarin (Qaraǵandy ákiminiń eks-orynbasary), Anatolii Esse men Orazaly Aimenbetovti («Metallýrgiia-metalloobrabotka» indýstrialdyq parki direktorynyń burynǵy orynbasarlary) jazalarynyń ótelmegen bóligin jumsartý týraly ótinishin qanaǵattandyrdy», - dep aitty Abai aýdandyq sotynyń BAQ-pen jumys boiynsha úilestirýshisi Gúlnar Marzalinova.
Abai aýdandyq sotynyń 2016 jylǵy 2 jeltoqsandaǵy úkimimen jazalaný merzimderi aqshalai aiyppulmen almastyryldy: A. Telgaringe - 161 AEK kóleminde (2016 jyly 1 AEK = 2121 teńge), A. Esse - 256 AEK, O. Aimenbetov - 87 AEK.
Osylaisha, aiyppuldar 185 myń teńgeden 543 myń teńgege deiingi aralyqty quraidy. Esseniń jazasyn óteý merziminiń ótelmegen bóligi 2 jyl 10 ai 12 kún, Telgarin - 1 jyl 9 ai 27 kún, Aimenbetov - 1 jyl 80 kún.
«Úkim zańdyq kúshine enip, sottalýshylar bostandyqqa shyqty», - dep qosty G. Marzalinova.
Onyń aitýynsha, bundai áreketke raqymshylyq zańynyń qatysy joq. «Úsh sottalýshy raqymshylyq týraly zańǵa sáikes keldi. Alaida olar óz erkilerimen bul sharadan bas tartyp, jazasyn óteý merziminiń qalǵan bóligin aiyppulǵa almastyrý týraly ótinish jasady», - dep túsindirdi BAQ-pen jumys úilestirýshisi.
Eske sala keteiik, buryn sybailas jemqorlyq úshin sottalǵan Qaraǵandy oblysynyń eks-ákimi Baýyrjan Ábdishev, Qaraǵandy jer qatynastary bóliminiń burynǵy jetekshisi Ernar Dáribekov shartty merziminen buryn bosatýǵa qol jetkizdi. Sybailas jemqorlyq jasady degen aiyp taǵylǵan eks-premer-ministr S. Ahmetov, buryńǵy sheneýnikter men kásipkerlerge qatysty toptyq qylmystyq isti Qaraǵandy oblystyq qylmystyq is boiynsha mamandandyrylǵan aýdanaralyq soty qarady. 21 adamǵa aiyp taǵyldy. Úkimdi jariialaý 2015 jyldyń 11 jeltoqsan kúni ótti. Ahmetovtiń múlki tárkilenip, memlekettik organdarda laýazymdy qyzmet atqarý quqyǵynan 5 jylǵa aiyryla otyryp, 10 jyl merzimge bas bostandyǵynan aiyrý jazasy taǵaiyndaldy.
Qaraǵandy oblystyq sotynyń appeliatsiialyq sot alqasynyń 2016 jyldyń 14 naýryzynda shyǵarǵan qaýlysymen birinshi instantsiiadaǵy sottyń sheshimi ózgertilip, kóptegen adamdardyń jazasy jeńildedi. Sonyń ishinde, Ahmetovtiń jazalaný merzimi 8 jylǵa deiin tómendedi.
