AHQO-nyń 8 qyzmetkeri Prezidenttik jastar kadr rezervine endi, dep habarlaidy "Ult aqparat".
Alty irikteý kezeńinde Qazaqstannyń túkpir-túkpirinen 13 myń úmitkerdiń ishinen 300 jas maman irikteldi. Irikteýdiń nátijesi boiynsha AHQO-nyń eki qyzmetkeri: AHQO Birjasy AIX Qarjy jónindegi direktory Renat Bekturov pen «AHQO Ákimshiligi» Basqarma tóraǵasynyń orynbasary Ernur Rysmaǵambetov eń joǵary upai jinap, 1 jáne 2 oryndardy ielendi. Prezidenttiń jastar kadrlyq rezervine AHQO-dan barlyǵy 8 qyzmetker endi. Olardyń qatarynda: Nariman Álibaev, Nurlan Taiǵanov, Ardaq Jumaǵaliev, Ásiia Káribai, Iliias Shanbaev jáne Nursultan Serikbai bar.
Buǵan qosa Tsifrlyq tehnologiialar jónindegi Basqarýshy direktor Ásel Janasova 2019 jylǵy «100 Jańa esim» baiqaýynyń jeńimpazdarynyń biri atandy.
Qazaqstannyń Tuńǵysh Prezidenti – Elbasy Nursultan Nazarbaevtyń bastamasymen qurylǵan AHQO eldegi adam kapitalynyń sapasyn arttyrý boiynsha jumys isteidi. Qarjylyq qyzmet kórsetý salasynda saýatty mamandardy daiyndaý jáne ósirý - qarjy ortalyǵynyń mańyzdy mindetteriniń biri. Osy maqsattar úshin AHQO qurylymynda Úzdiksiz kásibi damý Biýrosy jumys isteidi.
Búgingi kúni AHQO-da tirkelgen kompaniialar úshin mamandar kadrlyq rezervi 10 000 adamǵa jetti. 2019 jyly Biýro bazasynda 2642 maman qaita daiarlaýdan ótti.
