Almaty qalalyq politsiia departamenti bastyǵynyń orynbasary Rýstam Ábdirahmanov «zorlanǵan» úsh ailyq qyzǵa qatysty túsinikteme berdi, dep habarlaidy QazAqparat.
Spiker óziniń Instagram-daǵy tikelei efir kezinde qylmystyq isti Túrksib aýdandyq politsiia basqarmasy júrgizip jatqanyn aitty.
«Qylmystyq is sotqa deiingi tergeýdiń biryńǵai tizilimine 11 qyrkúiek kúni tirkeldi. Qazir saraptama taǵaiyndaldy. Aryz boiynsha tirkelgen qylmystyń iske sáikes, kishkentai bala úsh ailyq kezinde ákesinen zorlyq kórgen. Biz qazir bul jaǵdaidy egjei-tegjeili tekserip jatyrmyz. Belgilengen saraptamalyq zertteý áli daiyn emes. Saraptamalyq mekemeniń talaby boiynsha saraptamaǵa birqatar maman tartyldy», - dedi Rýstam Ábdirahmanov.
Sonymen qatar, ol qylmysqa qatysy bar adamdar boiynsha jii qoiylatyn suraqtarǵa jaýap berdi.
«Aiyptalýshylar Almatyda, qaladan eshkim eshqaida ketken joq, bul adamdar úshin bultartpaý sharasy tańdalmady. Qazirgi ýaqytta eshkim ustalǵan joq, biz bárimiz saraptamanyń qorytyndysyn kútemiz. Ol áli daiyn bolǵan joq. Saraptamamen basqa vedomstvo ainalysady. Qorytyndy qandai bolatynyn eshkim bilmeidi. Barlyǵy óndiriste jáne baqylaýda», - dedi qalalyq politsiia ókili.
Buǵan deiin áleýmettik jeliler men birqatar buqaralyq aqparat quraldarynda Almatyda úsh ailyq náresteniń zorlanǵany týraly aqparat taraǵan bolatyn.
