Foto: Mádeniet jáne aqparat ministrligi
Ákeler kúni. Álemde bul mereke maýsymnyń úshinshi jeksebisinde atalyp ótiledi. Bizde de biyl úshinshi jyl qatarynan toilanyp otyr. Mereili mezet erler qaýymynyń qadir-qasietin arttyryp, qoǵamdaǵy ákeler institýtynyń damýyna úles qosýǵa baǵyttalǵan, dep habarlaidy 24kz.
Ákeniń qas-qabaǵy balanyń bas sabaǵy bolýy tiis. Degenmen búginginiń buzyǵyn tárbielep, aqyldy tentegin tezge salý qiyn. Sebebi zaman basqa, zań basqa. Sonda qazirgi áke qandai bolý kerek? Osyny oilanǵan qoǵam belsendileri ákeler deklaratsiiasyn qabyldady. Munda búgingi ákeniń róli, otbasyndaǵy otaǵasynyń obrazy anyq jazylǵan. Ol «HHI ǵasyr ákesi: áreketke shaqyrý» dep atalady.
Bekdaiyr Kúzembai, «Ákeler odaǵy» respýblikalyq qoǵamdyq birlestigi tóraǵasynyń orynbasary:
- Zamanaýi áke óziniń, balanyń ishki dúniesine úńilip, balanyń tulǵa bolyp qalyptasýyna óziniń kóshbasshylyǵyn kórsetýi kerek. Qazirgi osy qiyn jahandaný, jasandy intellekt zamanynda bala neshe túrli depressiiaǵa urynbaý úshin ákemen syrlasyp otyryp, osy qiyndyqtardy ótý úshin, áke jaýapty, sanaly áke bolý úshin ne isteý keregin osy deklaratsiiada atap ótemiz.
Jańa qujat mereke qarsańynda ótken respýblikalyq ákeler forýmynda qabyldandy. Aitaiyq, keńes biyl onynshy márte uiymdastyrylyp otyr. Oǵan óńirlerden 200-ge jýyq jan qatysty. Jiyn alańynda turmystyq tirshiliktegi túrli túitkilderdi tarqatýdyń tetikteri talqylandy. Jiynǵa ákelermen qatar analar da atsalysty.
Baian Ahatai, QHA respýblikalyq Analar keńesi tóraǵasynyń orynbasary:
- Tek qana otbasy emes, Otan da osy ákege qarap tur. Sebebi áke temirqazyq, áke úlgi. «Ákege qarap oq jonar» degen sóz bar. Ákeniń jasaǵanyn bala jasaidy. Myna qazaqta tárbieniń mánin eki-aq deńgeili qylyp aitady. Kórgendi nemese kórgensiz dep. Sondyqtan ákeden kórgendi ul mindetti túrde jasaidy. Biz analar qaýymy osy ákelerge qoldaý bolýǵa daiynbyz. Ákelerdiń saiasynda bolyp, besik terbei berýge daiynbyz dep aitqym keledi.
Ákeler kúnin atap ótý úshin elde arnaiy aptalyq jariialandy. Bir jumanyń bederinde túrli sharalar uiymdastyryldy. Jalpy bas-aiaǵy bizde ákeler institýtyn qoldaý maqsatynda jyl saiyn 7 myńnan astam is-shara ótkiziledi.
