Foto: uiymdastyrýshylardan
Almaty qalasy Bostandyq aýdany №70 jalpy bilim beretin mektepte erekshe mereke ótti. Otbasy kúnine orai «Áke, ana jáne men – baqytty otbasy» atty otbasylyq kvest uiymdastyryldy.
Bul sharaǵa árbir otbasynan áke, ana jáne bala qatysyp, birliktiń, ózara qoldaýdyń jáne meiirimniń jarqyn úlgisin kórsetti.
Kvest kezeńderi:
«Erýdit» – balalar suraqtarǵa jaýap berip, ár durys jaýap úshin «laik» beinesindegi fishkalardy jinady.
«Dárýmen» – ákeler óz qiialdaryna sai jemis-jidek narezkasyn jasady, al anasy men balasy keńes berip, kómektesip otyrdy.
«Sheberhana» – analar túime qadap, tigin isimen ainalysty. Áke men bala kómek kórsetip, túimelerdiń retimen, uqyptylyǵyna mán berildi.
«Ǵajaiyp álemi» – otbasy músheleri birigip, taqyrypqa sai applikatsiia jasady. Bul jerde komandalyq rýh pen shyǵarmashylyq erekshe baiqaldy.
«Chempion» – sporttyq estafeta ótkizildi. Áke dopty anasynan balaǵa berip, barlyǵy bir komanda retinde áreket etti.
Árbir stantsiiadan soń otbasylarǵa konvertter tabystaldy. Sońynda olardy ashyp, pazldan óz otbasynyń sýretin qurastyrdy. Al sýrettiń astynda kvesttiń basty urany jazyldy: «Áke, ana jáne men – baqytty otbasy».
Mektep ujymy uiymdastyrǵan bul merekeniń basty maqsaty – otbasyn biriktirý, ata-ana men balanyń qarym-qatynasyn nyǵaitý, olardy shyn máninde birtutas komanda ekenin sezindirý.
Jeńimpazdardy marapattaý sátinde ata-analardyń rizashylyq sezimi aiqyn baiqaldy. Olar mektep direktory Shara Sabyrqyzy Ýdýrimovaǵa, ustazdarǵa uiymdastyrýshylyq pen jaýapkershilik úshin alǵystaryn bildirdi:
«Mundai sharalar balalardyń júreginde óshpestei iz qaldyrady. Bul – otbasylyq tárbieni bekemdeitin, ata-ana men balany jaqyndastyratyn tamasha bastama», – dedi ata-analardyń biri.
Osyndai tárbielik máni zor is-sharalar mektep dástúrinde óz jalǵasyn tabatyny sózsiz.
