Foto: Akorda.kz
Memleket basshysy Ulttyq ǵylym akademiiasynyń vitse-prezidenti Asqar Jumadildaevty qabyldady, dep habarlaidy "Ult aqparat" Aqordanyń resmi saityna silteme jasap.
Kezdesý barysynda Asqar Jumadildaev Ulttyq ǵylym akademiiasynyń sońǵy úsh aida atqarǵan jumystary týraly baiandap, otandyq ǵylymdy damytýǵa qatysty usynystaryn jetkizdi.
Sonymen qatar akademik qazaq tilin latyn grafikasyna kóshirý jóninde oi-pikirin bildirdi.
Memleket basshysy ǵalymnyń aitqan barlyq usynystary qarastyrylatynyn jáne Úkimetke tiisti tapsyrma beriletinin aitty.
Prezidenttiń pikirinshe, ǵylymi-akademiialyq qoǵamdastyq elimizde jaratylystaný, injenerlik-tehnologiialyq baǵyttaǵy irgeli ǵylymi ortalyqtardyń paida bolýyna, zertteý jumystaryn jetildirýge, elimizdiń áleýmettik-ekonomikalyq damýyna qatysty ǵylymǵa negizdelgen usynymdar berýge uiytqy bolýǵa tiis.
Kezdesý sońynda Qasym-Jomart Toqaev akademik Asqar Jumadildaevtyń qoǵamdaǵy abyroi-bedeli zor ekenin atap ótip, onyń Ulttyq ǵylym akademiiasyndaǵy jaýapty jumysyna tabys tiledi.
