«Aq jol» partiiasy Prezident Qasym-Jomart Toqaevtyń Ulttyq qoǵamdyq senim keńesiniń 20 jeltoqsandaǵy otyrysynda bergen tapsyrmalaryn qoldaidy, dep habarlaidy "Ult aqparat" partiianyń baspasóz qyzmetine silteme jasap.
Partiia tóraǵasy Azat Perýashev málimdegendei, Memleket basshysynyń saiasi júieni reformalaý jóninde aitqan mitingiler týraly habarlaý rásimine kóshý, saiasi partiialardy qurýdy jeńildetý, parlamenttik oppozitsiia institýtyn biriktirý, biýdjettiń jumsalýyna saiasi jáne qoǵamdyq baqylaýdy engizý syndy tapsyrmalary qoǵamnyń balama jolmen damýyn bildiredi.
«Aq jol» qoǵamnyń aldynda biliktiń ashyqtyǵy men esep berýiniń strategiialyq baǵyty Tuńǵysh Prezident Nursultan Nazarbaev qabyldaǵan «100 naqty qadam» Ult josparynda bekitilgenin atap ótý mańyzdy dep sanaidy.
Prezident Toqaev memlekettiń kemeldigi men batyldyǵyn qajet etetin osy vektordy keńinen iske asyrýdy bastady. Óitkeni, buǵan deiin onyń prezidenttik sailaýdy erterek ótkizgeni saiasi básekelestiktiń kúsheie túsýimen bailanysty boldy.
Osylaisha, elde júrgizilip jatqan memlekettik demokratiialandyrý saiasatynyń sabaqtastyǵy men progressivti sipaty kórsetildi.
Osyǵan bailanysty, «Aq jol» partiiasy alǵa qoiylǵan mindetterdi qoldaityndynyn jáne olardy iske asyrýǵa belsendi qatysýǵa daiyn ekendigin málimdeidi.
«Aq jol» partiiasy usynylǵan demokratiialyq bastamalardy is júzinde júzege asyrý boiynsha parlamentke naqty usynystaryn usynýǵa daiyndalyp jatyr. Biz saiasi reformalar eldiń qazirgi áleýmettik-ekonomikalyq máselelerin sheshýdiń mańyzdy faktoryna ainalatynyna senim bildiremiz. »,- delingen habarlamada .
Sondai-aq, búgin «Aq jol» partiiasy Prezident Toqaevqa Qazaqstan Respýblikasynyń saiasi júiesin yryqtandyrýdaǵy bastamalary úshin alǵys aityp, hat joldady.
