Parlament Májilisiniń jalpy otyrysynda «Aq jol» fraktsiiasynyń depýtaty Daniia Espaeva bilim berý salasyndaǵy ózekti máselelerge qatysty Úkimet basshysy Asqar Maminniń atyna depýtattyq saýal joldady, dep habarlaidy "Ult aqparat".
«2016 jyldan bastap bilim júiesine respýblikalyq biýdjetten 27,2 mlrd teńgege transfert baǵyttaldy. Onyń ishinde bul qarajat mýltimediialyq jabdyq alýǵa, joǵary jyldamdyqty internetpen qamtamasyz etýge, mektepti tsifrlyq bilim berý resýrstaryna qosýǵa negizdeldi», - dedi D. Espaeva.
Osy oraida ol 2017 jyly BǴM bastamasy boiynsha Qazaqstan tarapy «Orta bilimdi jańǵyrtý» jobasyn qarjylandyrýǵa 67 mln AQSh dollary somasynda Dúniejúzilik bank zaimyn tartqanyn eske saldy. Joba maqsaty - aýyl jáne qala mektepteri arasyndaǵy bilim sapasyn teńestirý. Onyń aiasynda 5 myń mektepti mýltimediialyq jabdyqpen qamtamasyz etý eskerilgen. Barlyq aýyl mektepteri kompiýtermen jabdyqtalady dep josparlanǵan.
«Alaida, máseleniń ózektiligine qaramastan, qoldaǵy aqparatqa sáikes jobanyń eshbir baǵyty boiynsha osyǵan deiin konkýrs jariialanbaǵan. Al aýyl mektepteri úshin internetpen qamtamasyz etýge kompiýter men jabdyqtardy alýǵa tehnikalyq tapsyrma da ázirlenbegen. Degenmen, Qazaqstan úsh jyl qatarynan zaimdy rezervteý úshin biýdjetten komissiia tólep keledi», - dedi depýtat.
Sonymen qatar ol 2020 jyldyń shildesinde Bilim ministrligi oqytý protsesin tsifrlandyrý men mektep sabaqtarynyń onlain qoljetimdigi úshin jabdyqtaý sharalaryna 74,2 mlrd teńge somasynda qarjylyndyrý turǵysynda Úkimetke ótinim jasaǵanyn aitty.
Budan bólek D. Espaeva 29 shildede Bilim jáne ǵylym ministri Ashat Aimaǵambetovtiń atyna tiisti hat joldanǵanyn, onda 67 mln dollar kólemindegi halyqaralyq zaimǵa qatysty saýaldar qoiylǵanyn atap ótti. Sondai-aq 2016 jyldan bastap (27,2 mlrd teńge) mektepter úshin jergilikti bilim basqarmalaryna bólingen qarjynyń igerilýine bailanysty suraqtar baǵyttalǵan.
Onyń aitýynsha, zańnama aiasynda memlekettik organ sýaldarǵa bir ai ishinde jaýap berýi tiis. Alaida áli kúnge deiin vedomstvodan jaýap kelmegen.
Bul turǵyda depýtat Úkimet basshysy Asqar Maminnen Bilim jáne ǵylym ministrine tiisti tapsyrmany júkteýdi surady. Osy oraida, biylǵy 29 shildedegi «Aq jol» fraktsiiasy depýtattarynyń suraqtaryna jaýap berý, depýtattar suraǵan aqparatty usynýdan jaltarǵan ministrliktiń jaýapty adamdaryn jaýapkershilikke tartý máselesi kóterildi.
Sonymen qatar, Qarjy ministrliginiń tiisti komitetine bilim salasyn tsifrlandyrý men qashyqtan oqytýǵa bólingen qarjynyń tiimdi igerilýine qatysty tekserý júrgizýdi tapsyrý usynysy aityldy.
