Qazaqstandyq Air Astana áýe kompaniiasynyń ushaǵy máskeýlik Sheremetevo áýejaiyna shuǵyl qonýǵa májbúr boldy, – dep habarlaidy Air Astana áýe kompaniiasynyń baspasóz qyzmeti.
Shuǵyl qonýǵa ushaqtyń bir generatory isten shyqqany sebep bolǵan.
«27 maýsym kúni KS 942 reisimen ushqan Air Astana áýe kompaniiasy ushaǵy London-Nur-Sultan baǵytymen shyqqan bolatyn. Ushaq Máskeý ýaqytymen saǵat 00:18-de Sheremetevo áýejaiyna qonýǵa májbúr boldy. Ushaq shtattyq rejimge sai qondy» delingen habarlamada.
Áýe kompaniiasyndaǵylar qazir aqaýdy joiý jumystary júrip jatqanyn aitty. 93 jolaýshy Máskeý ýaqyty boiynsha saǵat 09:50-degi qosymsha reispen (Nur-Sultan qalasy boiynsha saǵat 12:50) Nur-Sultan qalasyna ushady.
