Astanada kelinshek qonaq úide bosanyp, shaqalaqty káriz qubyryna aǵyzyp jibergen, dep habarlaidy ult.kz.
Adam shoshyrlyq oqiǵa týraly Threads qoldanýshysy jazdy.
Aitýynsha, qonaqúi kópqabatty turǵyn úige japsarlas salynǵan.
«Qonaqúige kelýshilerdiń biri dárethanada náresteni bosanyp, ony kanalizatsiiaǵa aǵyzyp jibergen. Alty ailyq qyz bala tiri bolǵan. Tańǵy saǵat úshte kórshim oiatyp, bizdiń káriz qubyrynan birdeńe tabylǵanyn, politseilerge kómektesý kerek ekenin aitty. Tártip saqshylary muny kim isteýi múmkin ekenin surady. Biz qonaqúidi kórsettik», - dep jazdy ol.
Politsiia aqparatty rastady.
Tártip saqshylarynyń málimetinshe, bul fakti boiynsha 29 jastaǵy áiel ustaldy.
Sotqa deiingi tergeý júrip jatyr.
