Ózbekstannyń Syrdariia oblysynda eki kishkentai balasyn óltirgen 32 jastaǵy áielge qatysty sot úkimi shyqty. Tergeý málimetinshe, áiel qylmysqa kúieýinen kek alý maqsatynda barǵan, dep habarlaidy ult.kz.
Qaiǵyly oqiǵa 2026 jylǵy 1 aqpanǵa qaraǵan túni Gúlistan aýdanynda bolǵan. Otbasy jaldamaly baspanada turǵan. Kúieýi úiine oralǵan kezde úidiń gazǵa tolyp turǵanyn kórgen. Ishte onyń áieli jáne alty jáne tórt jastaǵy eki uly bolǵan.
Balalardyń ómirin saqtap qalý múmkin bolmaǵan. Al áiel aýyr jaǵdaida aýrýhanaǵa jetkizilip, dárigerler onyń ómirin aman alyp qalǵan.
Bastapqyda balalardyń gazdan ýlanyp qaitys bolǵany boljanǵan. Alaida keiin júrgizilgen sot-meditsinalyq saraptama bul nusqany joqqa shyǵardy. Mamandar balalardyń ólimine gaz emes, mehanikalyq asfiksiia, iaǵni tunshyǵý sebep bolǵanyn anyqtaǵan.
Tergeý barysynda áieldiń eki balasyn ádeii óltirgeni belgili bolǵan. Is materialdaryna sáikes, ol aldymen alty jastaǵy ulyn, keiin tórt jastaǵy balasyn tunshyqtyrǵan.
Tergeý men sot málimetinshe, áiel bul qadamǵa kúieýinen kek alý úshin barǵan. Qylmystyq istiń mán-jailary boiynsha sot onyń kinásin anyqtap, tiisti úkim shyǵarǵan.
