.jpg)
Foto: Akorda.kz
Memleket basshysynyń Jarlyǵymen Aida Ǵalymqyzy Balaeva Qazaqstan Respýblikasynyń Mádeniet jáne aqparat ministri laýazymyna taǵaiyndaldy, dep habarlaidy "Ult aqparat" Aqordanyń baspasóz qyzmetine silteme jasap.
Aida Ǵalymqyzy Balaeva 1974 jyly týǵan.
2000 jyly Abai atyndaǵy Almaty memlekettik ýniversitetin, 2007 jyly Qazaq ulttyq agrarlyq ýniversitetin bitirgen.
1999-2002 jyldary – Almaty oblystyq aqparat jáne qoǵamdyq kelisim basqarmasynyń jetekshi mamany, bas mamany, bólim bastyǵy.
2002-2004 jyldary – Almaty qalalyq aqparat jáne qoǵamdyq kelisim basqarmasynyń taldaý jáne qoǵamdyq-saiasi úrdisterdi úilestirý bóliminiń bastyǵy.
2004 jylǵy qańtar men qyrkúiek aralyǵynda – Almaty qalasy boiynsha aqparat basqarmasynyń taldaý jáne boljaý bóliminiń bastyǵy.
2004-2005 jyldary – Almaty qalasy boiynsha aqparat basqarmasy bastyǵynyń orynbasary.
2005-2006 jyldary – Almaty qalasynyń ishki saiasat departamenti direktorynyń orynbasary.
2006-2008 jyldary – Almaty qalasynyń ishki saiasat departamentiniń direktory.
2008-2010 jyldary – Astana qalasynyń ishki saiasat basqarmasynyń bastyǵy.
2010-2014 jyldary – Astana qalasy ákiminiń orynbasary.
2014-2019 jyldary – Qazaqstan Respýblikasy Prezidenti Ákimshiliginiń ishki saiasat bóliminiń meńgerýshisi.
2019-2020 jyldary – Qazaqstan Respýblikasy Prezidentiniń kómekshisi – Qazaqstan Respýblikasy Prezidenti Ákimshiliginiń Ótinishterdi qaraýdy baqylaý bóliminiń meńgerýshisi.
2020-2022 jylday - QR Aqparat jáne qoǵamdyq damý ministri.
2022 jyly Qazaqstan Respýblikasy Prezidenti Ákimshiligi Basshysynyń orynbasary, Qazaqstan Respýblikasy Prezidentiniń janyndaǵy Ulttyq Quryltai hatshysy boldy.
«Qurmet» ordenimen (2010), 2 medalmen marapattalǵan.
Áleýmettik ǵylymdar kandidaty.
