QR Prezidenti Ákimshiligi ishki saiasat bóliminiń meńgerýshisi Aida Balaeva QR Tuńǵysh Prezidenti - Elbasy Nursultan Nazarbaevtyń Qazaqstan Respýblikasynyń Prezidenti retindegi ókilettigin toqtatý jónindegi sheshimine qatysty pikir bildirdi, dep habarlaidy QazAqparat.
«Mańyzdy oqiǵalar ár kezde aiaq astynan bolyp jatady! Árbir adam ómiriniń belgili bir kezeńin osyndai taǵdyrsheshti sátti ǵana baǵamdaityn bolýy kerek. Taǵdyrymyzdaǵy Memleket basshysynyń orny jóninde oilana otyryp, búgingi tańda árqaisymyz osyndai sátti bastan keshtik.
Ómirdiń osyndai kezeńderinde Elbasynyń jolynda kezdesken qiyn jaǵdailardy eske túsirip, sol kezdegi kóńil-kúidi qaita bastan keshirgendei bolasyń.
Memlekettiń bolashaǵy, el taǵdyryna qatysty tarihi sheshimder qabyldanǵan sátterdi eske túsirgende, Elbasynyń aýyr ári uzaq jumys kestesin oilaǵanda ǵana onyń bizder úshin ómir súrgenin túsinemiz.
Bizdiń sharshaýymyz ben alańdaýymyz Memleket basshysynyń júktemesimen salystyrǵanda túkke turǵysyz.
Ult kóshbasshysy osy jyldary asa kúrdeli kezeńde teńdikti saqtap, qiynshylyq pen synaqtardy eńsere otyryp bizdiń árqaisymyz úshin asa aýyr jaýapkershilik júgin arqalap keldi.
Óziniń danyshpandyǵy jáne kóregendiginmen ol elimizdiń damý baǵytyn uzaq jyldarǵa belgilep berdi, sonyń arqasynda biz bolashaǵymyz úshin alańdamaimyz.
Búgingi jastarǵa arnaǵan málimdemesi de onyń ulylyǵyn jáne kóregendigin taǵy da aiqyndai túsedi. Osyndai sátterde de Prezident el bolashaǵyn oilaidy.
Sondyqtan men Elbasynyń ideialaryna, Qazaqstannyń ósip, órkendeýi úshin aiqyndaǵan baǵytyna adal bolamyn!
Elbasy mańyzdy strategiialyq laýazymdarda qala otyryp, aiqyndalǵan baǵyttyń saqtalýyna kepil bolatyndyǵy maǵan senimdilik syilaidy.
Bizdiń mindetimiz - birlikti saqtap, Tuńǵysh Prezident - Qazaqstannyń Táýelsizdiginiń negizin qalaýshy isin jaýapkershilikpen jalǵastyrý.
Bul - meniń Prezidentim! Bul - meniń Elbasym!!!» - dep jazdy Aida Balaeva áleýmettik jelidegi paraqshasynda.
