QR Sybailas jemqorlyqqa qarsy is-qimyl agenttigi Preventsiia departamentiniń basshysy Anar Jarova QR Qorǵanys ministrligindegi jemqorlyq qylmystar týraly aityp berdi, dep habarlaidy "Ult aqparat".
«Qorǵanys ministrligi sybailas jemqorlyqpen sottalǵan qyzmetkerleriniń sany boiynsha ortalyq memorgandar arasynda úshinshi orynda tur. 2019 jyly munda 28 laýazymdy tulǵa men áskeri qyzmetshi sottaldy», - dedi Anar Jarova agenttiktiń baspasóz ortalyǵynda ótken brifingte.
Onyń aitýynsha, jaýapqa tartylǵan 28 qyzmetkerdiń 20-sy nemese 75% basqarýshy quram bolyp shyqqan.
«Kóp jaǵdaida áskeri bólimderdiń qyzmetshileri jalǵan issaparlar men jeke quramǵa syiaqy berý, áskeri kiimder, janarmai jáne basqa da múlikterdi esepten shyǵarý týraly jalǵan aktilerdi jasaý jolymen qarajat jymqyrǵan. Qalalyq jáne aýdandyq qorǵanys bólimderinde áskeri qyzmetke shaqyrýdy keiinge qaldyrý úshin para suralǵan», - dep atap ótti A. Jarova.
