Úlken aýyly. Foto: © Tengrinews.kz
Atom elektr stantsiiasy Almaty oblysy Jambyl aýdany Úlken aýylynyń aýmaǵynda salynatyn boldy, - dep habarlaidy "Ult aqparat" Energetika ministrliginiń baspasóz qyzmetine silteme jasap.
Vedomstvo málimetinshe, Prezidenttiń Qazaqstanda atom energetikasyn damytý múmkindigin zerdeleý jónindegi tapsyrmasyn oryndaý maqsatynda reaktorlyq tehnologiialardy tańdaý boiynsha buryn júrgizilgen zertteýlerdi ózektendirý, atom elektr stantsiiasynyń qýaty men qurylys aýdanyn anyqtaý boiynsha jumystar júrgizilgen.
"Zertteýlerdiń qorytyndysy boiynsha atom elektr stantsiiasy qurylysynyń eń qolaily aýdany retinde Almaty oblysy Jambyl aýdany Úlken aýylynyń aýmaǵy tańdaldy.
Eldegi alǵashqy atom elektr stantsiiasy úshin uqsas stantsiiany salý jáne sátti paidalaný tájiribesinde tekserilgen tehnologiiany tańdaý usynylady" - delingen habarlamada.
Osyǵan bailanysty iadrolyq tehnologiialardyń mynadai áleýetti jetkizýshilerinen turatyn «short-tizim» jasalǵan:
- HPR-1000 qytailyq CNNC kompaniiasy;
- APR-1400 reaktory bar korei KHNP kompaniiasy;
- VVER-1200 jáne VVER-1000 reaktorlary bar Resei Rosatom kompaniiasy;
- EPR-1200 reaktory bar frantsýz EDF kompaniiasy.
Zertteý nátijeleri 2022 jylǵy mamyrda atom salasyn damytý jónindegi vedomstvoaralyq komissiianyń otyrysynda qaralyp, maquldanǵan.
«Atom energiiasyn paidalaný týraly» Qazaqstan Respýblikasy Zańynyń 12-babyna sáikes iadrolyq qondyrǵylardy salý jáne salý aýdany týraly sheshimdi aýmaǵynda qondyrǵy salý josparlanyp otyrǵan jergilikti ókildi organdardyń kelisimimen Qazaqstan Respýblikasynyń Úkimeti qabyldaidy. Bul rette máslihat jergilikti ókildi organ bolyp tabylady.
Osyǵan bailanysty 2022 jyly qarashada Almaty oblysy máslihatynyń kezekti sessiiasynda aýdan turǵyndaryn qoldaý shartymen qurylysqa kelisim berý týraly sheshim qabyldandy.
Osy oraida Almaty oblysynyń ákimdigi jariia talqylaýlar ótkizýge bastamashylyq jasady. Facebook paraqshasynda, sondai-aq 2023 jyldyń 21 shildesinde resmi saitta, Instagram-kanalda jáne Jambyl aýdany ákimdiginiń Facebook paraqshasynda buqaralyq aqparat quraldary arqyly, atap aitqanda Atameken gazetinde (№28) qatysýǵa shaqyrylǵan tiisti habarlandyrý ornalastyryldy» - delingen vedomstvo habarlamasynda.
Bul rette Ekologiialyq kodekske sáikes ótkiziletin qoǵamdyq tyńdaýlar jobalyq qujattama ázirlengennen keiin, jobany ekologiialyq baǵalaý kezeńderinde bastamashylyq etiletin bolady.
