Foto: primeminister.kz
Qazaqstan Respýblikasy Ǵylym jáne joǵary bilim ministriniń buiryǵymen Ádilet Júnisuly Toibaev ǴJBM Ǵylym jáne joǵary bilim salasyndaǵy sapany qamtamasyz etý komitetiniń tóraǵasy bolyp taǵaiyndaldy. Bul týraly QR Úkimetiniń Baspasóz qyzmeti habarlady.
Ádilet Toibaev 1982 jyly Shyǵys Qazaqstan oblysynda dúniege kelgen.
Ál-Farabi atyndaǵy Qazaq ulttyq ýniversitetin bitirgen.
Eńbek jolyn 2008 jyly Ál-Farabi atyndaǵy QazUÝ-da oqytýshy bolyp bastaǵan.
2009-2011 jyldary – Ál-Farabi atyndaǵy QazUÝ-da jetekshi ádisker, ádistemelik bólim bastyǵy, oqý jumysy departamentiniń direktory.
2011-2017 jyldary – Qazaq memlekettik qyzdar pedagogikalyq ýniversitetinde oqý-ádistemelik basqarmanyń bastyǵy, akademiialyq máseleler jónindegi departament direktory, oqý isi jónindegi prorektor.
2017-2018 jyldary — Qazaqstan injenerlik-tehnologiialyq ýniversitetiniń birinshi prorektory – akademiialyq máseleler jónindegi prorektory.
2018-2022 jyldary QR BǴM Joǵary jáne joǵary oqý ornynan keiingi bilim departamentiniń direktory qyzmetin atqardy.
2022 jyly – QR BǴM Ǵylym komitetiniń tóraǵasy.
2022 jylǵy qarasha aiynan bastap qazirgi ýaqytqa deiin – QR ǴJBM Strategiialyq josparlaý jáne úilestirý departamentiniń direktory.
