Búgin, 3 tamyzda Ádilet ministrligi dóńgelek ústel formatynda «Baqylaýshylar qyzmetin zańnamalyq retteý» taqyrybynda onlain talqylaý ótkizdi. Otyrysqa múddeli memlekettik organdardyń, úkimettik emes uiymdardyń ókilderi men sarapshylar qatysty.
Talqylaý barysynda ulttyq baqylaýshylardy akkreditteýge qatysty máseleler kóterildi. Talqylaý belsendi túrde ótti jáne qatysýshylar ártúrli pikir-usynystar aitty. Usynylǵan túzetýlerdiń negizgi bóligi baqylaýshylardyń qyzmetin kásibi negizde júzege asyrýǵa baǵyttalǵan. Akkreditteýdi engizý baqylaýshylardyń qyzmetin, olardyń quqyqtary men ókilettikterin reglamentteýge múmkindik beredi.
Jańa erejeler sheshilmeitin sipatqa ie emes ekenine basa nazar aýdarylady. Olar tek baqylaýshylardyń jaýapkershiligin arttyrýǵa, olardyń mártebesin naqtylaýǵa arnalǵan.
Halyqaralyq tájiribe sailaýdy uiymdastyrý júiesiniń turaqty ózgerister men reformalar arnasynda ekenin jáne ashyq sailaý ótkizý úshin ońtaily sheshimder izdestirilip jatqanyn kórsetedi.
Qazaqstandyq zańnama sailaý praktikasynyń barlyq zamanaýi úrdisteri men serpinin kórsetýge tiis.
Úkimettik emes uiymdar jalpy alǵanda sailaý zańnamasyn jetildirý, atap aitqanda sailaý protsesiniń mańyzdy institýty retinde baqylaýshylar deńgeiiniń quzyretin jetildirý qajettigi týraly kóterilgen bastamalardy qoldady.
Munda akkreditteý institýtyn engizý mańyzdy boldy, biraq sonymen birge onyń egjei-tegjeileri týraly ártúrli pikirler boldy.
Keibir qatysýshylar jergilikti baqylaýshylardy akkreditteýdi engizýdi jaqtady, óitkeni sheteldik aralasý máselesi ulttyq qaýipsizdiktiń negizinde jatyr dep sanaidy:
«Bul novella jergilikti baqylaýshylar institýtyn halyqaralyq deńgeige shyǵarady. Qazaqstan Respýblikasy Konstitýtsiiasynyń 39-babyna sáikes kez kelgen konstitýtsiialyq quqyqtar, eger bul ulttyq qaýipsizdik máselelerine qatysty bolsa, zańmen shektelýi múmkin. Álemniń kez kelgen elinde ulttyq qaýipsizdik basymdyqqa ie, atap aitqanda sheteldik aralasý men qarjylandyrý táýekelderine qatysty».
Basqa tulǵalar akkreditatsiia sailaýǵa niet bildirýshilerdiń baiqaýshy retinde qatysýyna kedergi keltiretini týraly óz pikirlerin bildirdi.
Talqylaý qorytyndysy boiynsha aitylǵan pikirler jumysqa qabyldandy jáne Ádilet ministrligimen pysyqtalatyn bolady.
