Qazaqstan ulttyq quramasynyń bapkerlik alqasy Myrzaǵali Aitjanovtyń jetekshiligimen keńes ótkizip, Olimpiada oiyndarynyń eki dúrkin kúmis júldegeri Ádilbek Niiazymbetovti jańa kapitan etý jóninde sheshimge keldi. Bul týraly sports.kz habarlady.
Osyǵan deiin bul mindetti Rio Olimpiadasynyń chempiony Daniiar Eleýsinov atqaryp kelgen. Ol 12 qańtar kúni kásipqoi boksqa aýysqandyǵyn resmi túrde habarlaǵan bolatyn.
Aita keteiik, Qazaqstan boksynyń tarihynda Ádilbektiń alar orny erekshe. Olimpiada júldelerinen bólek Aziia oiyndarynyń, Aziia chempionatynyń jeńimpazy atansa, álem birinshiliginiń finalyna birneshe ret qatysqan.
