Olimpiada oiyndarynyń eki dúrkin kúmis júldegeri Ádilbek Niiazymbetov Tokio Olimpiadasyna qatysatyny ne qatyspaityndyǵy jaiynda sheshim qabyldamaǵan, alaida ómirlik jan-jaryn tapqanyna senimdi, ol bir-eki aidan soń úilenbek, - deidi Vesti.kz Lada.kz saityna silteme jasap.
"Ókinishke orai men bul jańalyǵymmen óz jankúierlerimniń arasyndaǵy qyzdardyń kóńil kúiin túsirermin (kúledi), alaida men ózimniń naqsúierimniń bar ekenin jáne bir-eki aidan soń úilenetinimdi aitqym keledi", - dedi boksshy.
Ádilbek Niiazymbetov bergen suhbatynda Rio Olimpiadasynda qai qarsylas myqty boldy degen suraqqa barlyǵy da myqty boldy dep jaýap berdi. "Eń qiyny Qazaqstan halqynyń úmitin aqtaý kerek boldy. Biz qolymyzdan kelgenniń barlyǵyn jasadyq. Finaldyq kezdesýde jeńiske jete alar edim, alaida sáti túspedi. Osy kúnderi ózime qatty renjýlimin, sebebi "altyn" medalǵa bir taban qalǵanda bar ónerimdi kórsete almadym. Elbasy meni altyn medal iegeri retinde marapattady, alaida jeńis tuǵyryna shyqpaǵan soń kóńiliń jai tappaidy", - dedi Niiazymbetov.
Eske salaiyq, Rio Olimpiadasynda Niiazymbetov bokstan 81 keli salmaq dárejesine deiin óner kórsetip, kúmis medaldi ielengen. Alaida, Memleket basshysy Nursultan Nazarbaev Astanada saltanatty marapattaý rásiminde Olimpiada oiyndarynyń kúmis medal iegerleri Vasilii Levit pen Ádilbek Niiazymbetovke altyn medal iegeri retinde marapattalýy tiis degen bolatyn.
