Nobel syilyǵynyń ádebiet bólimi boiynsha 2020 jylǵy laýreaty amerikalyq Lýiza Gliýk atandy, dep habarlaidy Euronews agenttigi.
Marapat «qaitalanbas poetikalyq daýys, adamnyń jeke ýaiymyn adamzattyq dárejege jetkizgeni» úshin taǵaiyndaldy. Jalǵyzdyq, jan jarasy, ishki dert, ólim, aiyǵý – aqynnyń óz óleńderinde kóteretin taqyryby osyndai.
Marapattaý rásimi Nobel komitetiniń YouTube arnasynda kórsetildi.
Lýiza Gliýk 1943 jyly Niý-Iorkte Aýstriia-Vengriiadan shyqqan evreilerdiń otbasynda týǵan. Ol Sarra Loýrens kolledjinde jáne Kolýmbiia ýniversitetinde oqydy, biraq sol kúii diplom ala almady.
Keiinirek Ýiliamstaýndaǵy Ýiliams kolledjinde aǵylshyn tilinen sabaq berdi, sonymen qatar Iels, Boston jáne Aiov ýniversitetterinde oqytýshy boldy.
Gliýk – Amerikanyń óner jáne ádebiet akademiiasynyń múshesi, Amerika aqyndary akademiiasynyń kantsleri (1999), kóptegen marapat iesi, onyń ishinde poeziiasy úshin Pýlittser syilyǵy (1993) men Ýolles Stivens premiiasyn (2008) ielengen.
Qazirgi ýaqytta Massachýsets shtatyndaǵy Kembridjde turady.
