Germaniiada professor Gerbert Lýtts bastaǵan arheologtar komandasy adamzat tarihyn qaita jazýǵa sebep bolady degen tister jiynyn tapty. Bul týraly Deutsche Welle jazdy, dep habarlaidy kaz.tengrinews.kz.
Tister Rein ózeniniń jaǵasynda Eppelshaim qalasynyń mańynda tabylǵan. Bul tister alǵashqy adamdar - Efiopiiada ǵana qaldyǵy tabylǵan Liýsi (Australopithecus afarensis) men Ardidiń (Ardipithecus ramidus) tisterine uqsaidy eken. Ǵalymdardyń paiymdaýynsha, Germaniiada tabylǵan tister 9,7 million jyl buryn ómir súrgen adamdarǵa tiesili. Sóitsek, ǵalymdar sol tistermen birge qazir tuqymy joiylyp ketken jylqylardyń qaldyǵyn taýypty. Iaǵni, bul tisterdiń jasy afrikalyq qańqalardan tórt million jylǵa úlken. Ǵalymdar óz kózderine ózderi senbei, bul jańalyqty jariialaý aldynda bir jyl boiy zertteý júrgizipti.
Osylaisha alǵashqy adamdar Afrikada paida bolǵan jáne sol jaqtan Jer shary boiynsha taralǵan degen teoriia qaita qaralýy múmkin. Qazirgi ýaqytqa deiin adam tegi Afrikada paida bolǵan teoriia aqylǵa qonymdysy bolyp kelgen.
"Qiialǵa tym berilgim kelmeidi, biraq adamzat tarihyn búginnen bastaýymyz kerek siiaqty", - dep málimdedi Maints meri Maikl Ebling osy oqiǵaǵa bailanysty ótken baspasóz máslihatynda.
"Bul - tamasha jetistik, bul - uly jumbaq", - dep keltiredi professor Gerbert Lýttstyń sózin "Moia planeta".
