- Aqtóbe turǵyny Amanqos Erbolatov «VKontakte» áleýmettik jelisinde jiHad jasaýǵa shaqyrǵan aýdiojazba taratqany úshin jalpy rejimdegi koloniiada 5 jylyn ótkizetin boldy, dep jazdy aktobetimes.kz.
Sottalýshynyń ákesi uly 24 jasta ekenin, taiaýda ǵana otaý qurǵanyn aitty. Amanqos bala kezinen gandbolmen ainalysqan, sport sheberi ataǵyn alǵan. «Qazhrom» komandasynda gandbol boiynsha bapkerdiń kómekshisi bolyp jumys istegen.
«Bapkerdiń kómekshisi retinde oǵan óte az, aiyna 20 myń teńge tóledi. Bapkerlikpen qosa dánekerleýshi jumysyn atqardy, jazda jumys kóp bolsa, qysta azaiatyn», - dedi ákesi.
Erbolatov uialy telefon saýdasymen ainalysqan. Namaz oqyǵan. Ol Internetten radikaldyq baǵyttaǵy aýdiojazba júktep alyp, ony «VKontakte» jelisine jariialaǵan.
Amanqos otbasynda jalǵyz ul. Narkologiialyq jáne psihonevrologiialyq dispanserde esepte turǵan joq. Buryn sottalmaǵan. Úkim shyǵar aldynda sottalýshy bar kinásin moiyndady, jazasyn jeńildetýdi surady.
28 qyrkúiekte ony ustap, «dini alaýyzdyq týdyryp», terrorizmge shaqyrǵany úshin tutqyndady. Prokýror ony múlkin tárkilei otyryp, 6 jyl 6 aiǵa sottaýdy usyndy, alaida aqtóbelik 5 jylǵa sottaldy. Ol jazasyn jalpy rejimdegi koloniiada óteidi.
