Foto: Polisia.kz
Kisi óltirgen kúdiktiler eki aiǵa jýyq ýaqyt ózderi qazǵan jerde jasyrynyp júrgen, – dep habarlaidy "Ult aqparat" Polisia.kz-ke silteme jasap.
Media-portal málimetinshe, Almaty politseileri osy jyldyń qazan aiynda tanysyn óltirip, qylmys izin jasyrý úshin denesin órtep jibergen 22 jáne 33 jastaǵy eki er adamdy ustaǵan.
"Arnaiy jedel-tergeý toby quryldy. Kúni keshe kúdiktilerdiń turǵan jeri belgili boldy: olar osy ýaqyt boiy Almaty – Astana tas jolynan 2 shaqyrym jerde ornalasqan oryndy qazyp, (kólemi 3h1,3 m, biiktigi 1,7 m) sol jerde jasyrynyp júrgen. Onda kúdiktiler ózderine arnaiy baspana jasap, tamaqtanatyn oryn jasap qoiǵan. Olar ózderiniń tanysyn óltirgenderin moiyndady. Kúdiktiler qamaýǵa alyndy", – deidi Almaty qalalyq PD kriminaldyq politsiia basqarmasynyń bastyǵy Qýatbek Naýatov.
QR QK-niń 201-babyna sáikes ózge aqparat tergeý múddesine orai jariia etilmeidi. QR Konstitýtsiiasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna sai kez kelgen azamat sot sheshimi zańdy kúshine engenge deiin kinásiz dep sanalady.
