Foto: Almaty oblysy PD baspasóz qyzmeti
Almaty oblysy Esik qalasyndaǵy atysqa qatysqan kúdiktiler anyqtaldy. Bul týraly oblystyq PD habarlady, - dep habarlaidy Tengrinews.kz.
1992-1999 jyly týǵan úsh kúdikti qamaýǵa alyndy. Olardyń bári jergilikti turǵyndar jáne buryn qylmystyq jaýapkershilikke tartylǵan.
"Negizgi kúdikti birinshi táýlik ishinde ustaldy. Qalǵan ekeýi keshe ustaldy. Úsheýi de ýaqytsha ustaý izoliatoryna qamaldy. Janjalda qoldanylǵan atys qarýy tárkilenip, aiǵaq retinde tergeý materialdaryna qosyldy", - dedi Almaty oblysynyń Politsiia departamenti bastyǵynyń orynbasary Eldar Ábdikenov.
Eske salaiyq, 23 shildege qaraǵan túni Esik turǵyndary qala kóshelerinen myltyq daýsyn estigen. Tekserýden keiin politsiia 18 jáne 30 jastaǵy eki er adamnyń oq jaraqatymen jergilikti aýrýhanaǵa jetkizilgenin anyqtady. Keiinirek zardap shekkenderdiń biriniń qaza bolǵany belgili boldy.
