Abzal Ábdikárimov ulttyq ekonomika vitse-ministri bolyp taǵaiyndaldy, - dep habarlaidy "Ult aqparat" Primeminister.kz saityna silteme jasap.
"Qazaqstan Respýblikasy Úkimetiniń qaýlysymen Abzal Áliuly Ábdikárimov Qazaqstan Respýblikasynyń ulttyq ekonomika vitse-ministri laýazymyna taǵaiyndaldy", - delingen habarlamada.
Abzal Ábdikárimov 1987 jyly Túrkistan oblysynda dúniege kelgen. Abai atyndaǵy QazUPÝ, "Bolashaq" baǵdarlamasy boiynsha Kings College London, University of London, IE Business School bitirgen. Ol - Prezidenttik Jastar kadrlyq rezerviniń múshesi.
Eńbek jolyn 2010 jyly kommertsiialyq uiymdarda bastaǵan.
2014-2015 jyldary - "Qazaqstannyń investitsiialyq qory" AQ investitsiialyq jobalar departamentiniń bas mamany, direktory.
2015-2016 jyldary - "Báiterek" UBH" AQ departamentiniń joba jetekshisi.
2016-2019 jyldary - QR Ulttyq ekonomika ministrliginde ministrdiń keńesshisi, departament direktorynyń orynbasary, kásipkerlikti memlekettik qoldaý departamentiniń direktory.
2019 jyldan bastap qazirgi ýaqytqa deiin Básekelestikti qorǵaý jáne damytý agenttiginiń Nur-Sultan qalasy boiynsha departamentiniń basshysy bolyp jumys istedi.
