Biyl Ábish Kekilbaiulynyń 80 jyldyǵy halyqaralyq deńgeide atalyp ótedi. Bul týraly óńirlik kommýnikatsiialar qyzmeti alańynda ótken brifingte Mańǵystaý oblysy ákiminiń orynbasary Qanybek Jumashev málim etti, dep habarlaidy "Ult aqparat".
Halyq jazýshysy Ábish Kekilbaiulynyń 80 jyldyǵyna arnalǵan sharalar 2019 jyly 10-12 qazan aiyna josparlanǵan. Sharanyń maqsaty - jazýshy Á.Kekilbaiulyn halyqaralyq deńgeide tanytyp, dáripteý.
10 qazanda bastalatyn sharaǵa jazýshymen áriptes bolǵan ádebiet jáne óner qairatkerleri, shyǵarmalaryn birneshe tilge aýdarǵan aýdarmashylar, sondai-aq Eýropa, Japoniia, Túrkiia memleketi men kórshiles Resei elinen ǵalym, zertteýshiler shaqyrylady.
«Aita ketý kerek sharaǵa QR Mádeniet jáne sport ministri qoldaý kórsetýde. Shara barysynda Aqtaý qalasynda Ábish atamyzǵa arnalǵan mádeni ortalyq kesheniniń aldynda ornalasatyn kórnekti eskertkishtiń jáne oblystyq ólketaný mýzeiiniń ashylý saltanaty, oǵan qosa mádeniet, óner qairatkerleriniń halyqaralyq kongresi ótedi dep josparlanýda. Merekelik sharalar zańǵar jazýshynyń týǵan jeri Ońdyda jalǵasyn taýyp, keiin Shetpe kentinde respýblikalyq deńgeidegi «Sóz ben saz» baǵdarlamasymen tolyǵady. Sondai-aq Halyqaralyq deńgeidegi teatrlar qatysatyn «Ábish álemi» festivali jáne qazaqtyń ulttyq sporttyq oiyndary da uiymdastyrylady dep josparlanýda», - dedi oblys ákiminiń orynbasary Qanybek Jumashev.
Mereitoi aiasyndaǵy sharalar jyldyń basynda qolǵa alynǵan. Mektep oqýshylary arasyndaǵy «Ábish oqýlary», «Jas aqyndar músháirasy», sondai-aq shyǵarma jazý saiystary ótkizildi. Qazirgi tańda sharanyń resmi logotipi ázirlenip, daiyndyq qarqyndy júrgizilýde. Mańǵystaý oblysy ákiminiń tapsyrmasymen «Ábish oqýlarynyń» jeńimpazdaryna, filiologiia jáne jýrnalistika salasynda jaqsy nátije kórsetip júrgen stýdentterge Ábish Kekilbaev atyndaǵy shákirtaqy taǵaiyndalmaq.
Ábish Kekilbaiulynyń 80 jyldyǵyna orailastyrylǵan sharalar legi tek qana Mańǵystaý oblysymen ǵana shektelmei, 6 jeltoqsan kúni Nur-Sultan qalasynda jalǵasady.
