بيىل ەبٸش كەكٸلبايۇلىنىڭ 80 جىلدىعى حالىقارالىق دەڭگەيدە اتالىپ ٶتەدٸ. بۇل تۋرالى ٶڭٸرلٸك كوممۋنيكاتسييالار قىزمەتٸ الاڭىندا ٶتكەن بريفينگتە ماڭعىستاۋ وبلىسى ەكٸمٸنٸڭ ورىنباسارى قانىبەك جۇماشەۆ مەلٸم ەتتٸ, دەپ حابارلايدى "ۇلت اقپارات".
حالىق جازۋشىسى ەبٸش كەكٸلبايۇلىنىڭ 80 جىلدىعىنا ارنالعان شارالار 2019 جىلى 10-12 قازان ايىنا جوسپارلانعان. شارانىڭ ماقساتى - جازۋشى ە.كەكٸلبايۇلىن حالىقارالىق دەڭگەيدە تانىتىپ, دەرٸپتەۋ.
10 قازاندا باستالاتىن شاراعا جازۋشىمەن ەرٸپتەس بولعان ەدەبيەت جەنە ٶنەر قايراتكەرلەرٸ, شىعارمالارىن بٸرنەشە تٸلگە اۋدارعان اۋدارماشىلار, سونداي-اق ەۋروپا, جاپونييا, تٷركييا مەملەكەتٸ مەن كٶرشٸلەس رەسەي ەلٸنەن عالىم, زەرتتەۋشٸلەر شاقىرىلادى.
«ايتا كەتۋ كەرەك شاراعا قر مەدەنيەت جەنە سپورت مينيسترٸ قولداۋ كٶرسەتۋدە. شارا بارىسىندا اقتاۋ قالاسىندا ەبٸش اتامىزعا ارنالعان مەدەني ورتالىق كەشەنٸنٸڭ الدىندا ورنالاساتىن كٶرنەكتٸ ەسكەرتكٸشتٸڭ جەنە وبلىستىق ٶلكەتانۋ مۋزەيٸنٸڭ اشىلۋ سالتاناتى, وعان قوسا مەدەنيەت, ٶنەر قايراتكەرلەرٸنٸڭ حالىقارالىق كونگرەسٸ ٶتەدٸ دەپ جوسپارلانۋدا. مەرەكەلٸك شارالار زاڭعار جازۋشىنىڭ تۋعان جەرٸ وڭدىدا جالعاسىن تاۋىپ, كەيٸن شەتپە كەنتٸندە رەسپۋبليكالىق دەڭگەيدەگٸ «سٶز بەن ساز» باعدارلاماسىمەن تولىعادى. سونداي-اق حالىقارالىق دەڭگەيدەگٸ تەاترلار قاتىساتىن «ەبٸش ەلەمٸ» فەستيۆالٸ جەنە قازاقتىڭ ۇلتتىق سپورتتىق ويىندارى دا ۇيىمداستىرىلادى دەپ جوسپارلانۋدا», - دەدٸ وبلىس ەكٸمٸنٸڭ ورىنباسارى قانىبەك جۇماشەۆ.
مەرەيتوي اياسىنداعى شارالار جىلدىڭ باسىندا قولعا الىنعان. مەكتەپ وقۋشىلارى اراسىنداعى «ەبٸش وقۋلارى», «جاس اقىندار مٷشەيراسى», سونداي-اق شىعارما جازۋ سايىستارى ٶتكٸزٸلدٸ. قازٸرگٸ تاڭدا شارانىڭ رەسمي لوگوتيپٸ ەزٸرلەنٸپ, دايىندىق قارقىندى جٷرگٸزٸلۋدە. ماڭعىستاۋ وبلىسى ەكٸمٸنٸڭ تاپسىرماسىمەن «ەبٸش وقۋلارىنىڭ» جەڭٸمپازدارىنا, فيليولوگييا جەنە جۋرناليستيكا سالاسىندا جاقسى نەتيجە كٶرسەتٸپ جٷرگەن ستۋدەنتتەرگە ەبٸش كەكٸلباەۆ اتىنداعى شەكٸرتاقى تاعايىندالماق.
ەبٸش كەكٸلبايۇلىنىڭ 80 جىلدىعىنا ورايلاستىرىلعان شارالار لەگٸ تەك قانا ماڭعىستاۋ وبلىسىمەن عانا شەكتەلمەي, 6 جەلتوقسان كٷنٸ نۇر-سۇلتان قالاسىندا جالعاسادى.
