Qostanai oblystyq politsiia departamenti kriminaldyq politsiia qyzmetkerleri asa aýyr qylmysty ashty, dep habarlaidy QazAqparat vedomstvonyń baspasóz qyzmetine silteme jasap.
Politsiianyń málimetinshe, 1 qazanda Qostanai qalasy Ońtústik bóliminiń 102 pýltine 66 jastaǵy áiel habarlasyp, 45 jastaǵy ulynyń otbasy turyp jatqan saiajaidan ketip, áli kúnge deiin qaityp oralmaǵanyn baiandap berdi.
Politsiia atalǵan fakti boiynsha izdeý jumystaryn bastady.
«Júrgizilgen jedel-tergeý sharalarynyń nátijesinde Qostanai qalasynyń 34 jastaǵy turǵyny anyqtalǵan, aiǵaq dálelder kómegimen onyń adam óltirgeni anyqtaldy. Er adam qylmys jasaǵanyn moiyndady. Ol jábirlenýshiniń óli denesin jasyrǵan jerdi kórsetti. Oqiǵa ornyn tekserý kezinde qaitys bolǵan er adamnyń denesi Tobyl ózeniniń jaǵasynan tabylǵan», - dep baiandady politsiiadan.
Aldyn ala nusqa boiynsha, qylmystyń jasalýyna er adamdar arasynda shyqqan janjal sebep bolǵan.
«Jábirlenýshige onyń ólimine ákelip soqtyrǵan aýyr dene jaraqatyn salǵan soń kúdikti aiǵaq dálelderdi, er adamnyń óli denesin jasyrmaq boldy. Qazirgi kezde ol qamaýǵa alyndy, tiisti tergeý amaldary júrgizilýde», - dep qorytyndylardy politsiia departamentinen.
