Qazaqtyń bas aqyny Abai týraly teleserial túsiriledi, dep habarlaidy QazAqparat.
Bul týraly «Qazaqstan» RTRK» AQ Basqarma tóraǵasy Lázzat Tanysbai Astana Media Week aptalyǵynda málimdedi.
«Jaqynda ǵana «Abai» serialyna konkýrs jariialadyq. Álbette, bul óte zor jaýapkershilik bolǵandyqtan bul serialdy túsirýden jasqanshaqtap otyrǵan jaiymyz bar. Konkýrsqa alty kompaniia ǵana ótinish bildirgen. Onyń tek bireýinde ǵana tarihi serial túsirý tájiribesi bar eken. Bul bárimiz úshin úlken problema. Bárine iaǵni, tájiribe kerek», - dedi telekorporatsiia basshysy «Qazaqstandaǵy kino men serialdy damytý» paneldik sessiiasynda.
Onyń aitýynsha, serial kelesi jyldyń sońyna deiin efirge shyǵýy tiis.
«Serialdy kim túsiretini áli belgisiz. Biraq, stsenariige tapsyrys berdik. Akterler kastingi de úlken jumys, tapsyrys berýshige iaǵni, telearnaǵa birneshe adamdy usynady. Olardyń arasynan sáikes akter bekitiledi. «Abai» serialynda birneshe bas keiipker bolýy múmkin, sebebi Abaidyń balalyq, jastyq jáne eresek shaǵyn qamtýdy josparlap otyrmyz», - dedi L. Tanysbai.
Buǵan deiin Lázzat Tanysbai otandyq serial óndirýdegi basty máselelerdi ataǵan bolatyn.
