Foto: QR DSM
Abai oblysynyń Úrjar aýdanynda jol apatynan zardap shekken eki balany elordaǵa jetkizý úshin sanitariialyq aviatsiia borty Astanaǵa attandy. Balalar №2 Kópbeiindi qalalyq balalar aýrýhanasyna jatqyzylady, dep habarlaidy Ult.kz.
Ushaqta balalarǵa jol boiy kómek kórsetý úshin Ulttyq shuǵyl meditsinany úilestirý ortalyǵynyń reanimatology, №2 balalar aýrýhanasynyń travmatology jáne Ulttyq neirohirýrgiia ortalyǵynyń neirohirýrgy bar dárigerler brigadasy ilesip júr.
Zardap shekkenderge aldyn ala aýdandyq aýrýhanada oblystyq jáne respýblikalyq mamandardan quralǵan arnaiy top tekseris júrgizip, emdeý josparyn jasaǵan.
Degenmen toǵyz jasar qyzdyń jaǵdaiy turaqsyz bolǵandyqtan, ol Abai oblysynyń bas anesteziolog-reanimatologynyń baqylaýynda statsionarda qaldyryldy.
Aita keteiik, Abai oblysynda kólik júrgizýshisi aýlada oinap júrgen balalardy qaǵyp ketkenin jazǵanbyz. Nátijesinde 3 bala qaza taýyp, 3 bala jaraqat aldy.
