«Ulttyq ǵylymi meditsinalyq ortalyq» aktsionerlik qoǵamynyń basqarma tóraǵasy, meditsina ǵylymdarynyń doktory Abai Baigenjin qazaqstandyqtarǵa salynyp jatqan vaktsinalardyń qaýipsiz ári tiimdi ekenin aitty, dep habarlaidy QazAqparat.
«Biz Máskeýge arnaiy baryp, professor Gintsbýrg basqaratyn N.Gamaleia atyndaǵy ulttyq zertteý ortalyǵynda boldyq. Eki kún ishinde bizge «Spýtnik V» vaktsinasynyń búkil tizbegi men damý mehanizmi kórsetildi. Biz bul vaktsina keńes dáýirinde jasalǵan eń sátti ázirlemelerdiń biri ekenine kóz jetkizdik. Biz koronavirýstyń qandai qaýipti aýrýy ekenin jaqsy bilemiz. Onymen kúresýdiń vaktsinadan basqa balama joly joq», - dedi meditsina ǵylymdarynyń doktory.
Ǵalym vaktsina aýrý týǵyzbaitynyn, óitkeni ondaǵy virýs bólshekteri óltirilgen kúide boltanyn klinikalyq zertteýler aiqyn kórsetkenin aitady.
«Elordada vaktsinalaý pýnkterin qoǵamdyq oryndarda ornalastyryp jatqanymyz óte durys. Mundai pandemiia jaǵdaiynan bárimiz bir baǵytta oilap, vaktsina alsaq qana aman shyǵa alamyz. Qurmetti qala turǵyndary, dárigerler, men sizderdiń áriptesterińizdiń biri retinde, elorda turǵyny retinde vaktsinadan qoryqpaýǵa shaqyramyn», - dedi Abai Baigenjin.
Buǵan deiin habarlaǵanymyzdai, Nur-Sultan qalasynyń qoǵamdyq densaýlyq saqtaý basqarmasynyń basshysy Timýr Muratov koronavirýsqa qarsy vaktsina egý aldynda antidenelerdiń bar-joǵyn anyqtaý qajettiligine qatysty pikir bildirgen bolatyn.
