Almatydaǵy Abai atyndaǵy Qazaq memlekettik akademiialyq teatry direktory Aia Qalieva qyzmetinen bosatyldy. Teatr ókilderi onyń qyzmetten eshqandai eskertýsiz jáne sebepsiz bosatylǵanyn habarlady, - dep habarlaidy Tengrinews.kz.
"Buiryq ministrdiń ózinen emes, jeke poshta mekenjaiyna hat túrinde keldi. Men alǵys sózin aityp turǵam joq, jeke adamdy qurmettegendikten ǵana. (...) Men mundai jaǵdaidy kez kelgen adamǵa qatysty ádiletsizdik dep sanaimyn. Búgin Eńbek kodeksin buzý týraly buiryq alǵan kezde, bul týraly ashyq aitamyn dep sheshtim. Meniń kelisim shartym uzartylǵan, 2020 jyly ol sheksiz merzimge sozylǵan bolatyn", - dedi Aia Qalieva.
Abai atyndaǵy Qazaq Ulttyq akademiialyq opera jáne balet teatry ujymy bul sheshimmen kelispeidi. Qyzmetkerler Qalievany jaqsy basshylardyń biri dep sanaidy. Onyń teatr direktory retinde jumys istegen kezeńinde teatr mańyzdy belesterdi baǵyndyrdy. Búgin, 18 aqpanda teatr qyzmetkerleri basty sahnaǵa jinalyp, Qalievaǵa qoldaý bildirip, onyń jumystan shyǵarylýyna narazylyq bildirdi.
"Men teatrda 10 jyldan asa ýaqyt jumys istedim. Teatrdyń biraz direktorymen qyzmet atqardyq. Bizdiń basty mindetimiz - teatr deńgeiin kóterý, kórermenderdi qýantý, memleketimizde óner deńgeiin kóterý. Basshylyqty osylai ózgertken jaǵdai bolmaǵan. Bul kútpegen jaǵdai boldy. Teatrda jumys istegen ýaqyt ishinde shyǵarmashylyq ujym basshylary osyndai uiymshyl bolǵan emes. Teatrdy alǵa jyljytý ideiasyn bárimizge úlgi etti. Munyń bári Aia Jákenqyzynyń eńbegi", - dedi balet trýppasynyń jetekshisi Gúljan Tutqybaeva.
