Memleket basshysy Qasym-Jomart Toqaevtyń baspasóz hatshysy Berik Ýáli Abai óleńin oqý estafetasyn jalǵastyrdy, dep habarlaidy "Ult aqparat".
«Uly Abaidyń 175 jyldyǵyna orai onyń óleńderin oqý estafetasyna Prezidentimiz Qasym-Jomart Kemeluly úlken mán berip, osy bastamany jalpyhalyqtyq deńgeige kóterdi. Ózi de Abai Qunanbaiulynyń óleńinen úzindi oqydy, ony jaqsy bilesizder.
Osy estafetany Prezidenttiń keńesshisi Erlan Qarinnen, Qazaqstannyń halyq artisi Tuńǵyshbai Jamanqulov myrzadan jáne pavlodarlyq dostar Nurjan men Rýslannan, sondai-aq, synyptasym Airattan qabyl aldym», - dep jazady Berik Ýáli facebook paraqshasynda.
Sondai-aq, ol Abai kúlli qazaqtyń temirqazyǵy, alty Alashtyń rýhani azyǵy! Sondyqtan, eshbir qazaq balasy osy estafetadan tys qalmaityndyǵyn jetkizdi.
«Abai óleńderin oqý estafetasyn QR Parlamenti Senatynyń depýtaty, Komitet tóraǵasy Muhtar Qul-Muhammed myrzaǵa, vitse-premer Gúlshara Ábdihalyqova hanymǵa jáne aitysker aqyn Rinat Zaiytovqa, sondai-aq, barsha áriptesterime joldaimyn», - dedi ol.
Eske salsaq, QR Prezidenti Qasym-Jomart Toqaev 9 jastaǵy mektep oqýshysynyń estafetasyn qabyl alyp, ony Bilim jáne ǵylym ministri Ashat Aimaǵambetovke, Mádeniet jáne sport ministri Aqtoty Raiymqulovaǵa jáne búkil álemdi moiyndatqan talantty ánshi Dimash Qudaibergenge joldaǵan edi.
