2025 jylǵa deiin 103 mln sharshy metr turǵyn úi salý josparlanyp otyr. Bul týraly Indýstriia jáne infraqurylymdyq damý ministri Beibit Atamqulov málim etti, dep habarlaidy QazAqparat.
«Memleket basshysynyń tapsyrmasyna sáikes, sondai-aq Nur Otan partiiasynyń sailaýaldy baǵdarlamasyna orai 2025 jylǵa deiin 103 mln sharshy metr turǵyn úi salý josparlanyp otyr. 977 myń otbasy baspanamen qamtamasyz etiledi. Memlekettik investitsiianyń 1 teńgesine 7 teńge jeke investitsiia tartylady», - dedi Atamqulov Úkimet otyrysynda.
Onyń aitýynsha, biyl 17 mln sharshy metr nemese 163 myń baspana salý eskerilgen.
«26 jeltoqsandaǵy derekter boiynsha 16 mln sharshy metrden astam turǵyn úi paidalanýǵa berildi. Turǵyn úi qurylysynyń qarqyny ótken jylmen salystyrǵanda 12 óńirde artqan», - dedi ministr.
