Japoniianyń shyǵysyndaǵy 9 jasar ul kolledj túlekteri tapsyratyn testileýden ótti. Test uiymdastyrýshylarynyń aitýynsha, ol tapsyrmanyń barlyǵyn oryndaǵan eń jas qatysýshy bolǵan, dep habarlaidy Kyodo News.
Hego prefektýrasy Nisinomii qalasyndaǵy bastaýysh mekteptiń 4-synyp oqýshysy Shogo Ando (Shogo Ando) osy jyldyń qazanynda Sýgaký kentei testiniń alǵashqy kiý test joǵary deńgeiin tapsyrǵan. Ando Hiroto Takahasi (Hiroto Takahashi) ornatqan rekordty jańartqan. Ol bul testti 11 jasynda tapsyrǵan bolatyn.
Ando testileýge jeti jasynan daiyndalǵan. Balanyń aitýynsha, ol matematikadan alǵan bilimin qoǵam damýyna jumsap, jahandyq jylynýdy tómendetý sekildi zertteýler júrgizgisi keledi.
Sýgaký kentei testi 14 deńgeiden turady. Olardyń árqaisysy kúrdeli jáne bilimdi qajet etedi. Eń jeńil 14-shi kezeńdi mektepke deiingi balalar tapsyrady. Jyl saiyn 350 000 adam osy testti tapsyrady. Alǵashqy kiý testte túrli pánder qamtylǵan. 1-shi kiý testtiń sońǵy kezeńindegi ótý baly 14,4 protsentti quraidy.
