Biyl joǵary synyp oqýshylary úshin qorytyndy emtihan bolady. Bul týraly Ortalyq kommýniktsiialar qyzmetinde ótken IV toqsandaǵy oqý formaty týraly brifingide aityldy, dep habarlaidy QazAqparat.
«Joǵary synyp oqýshylary qorytyndy emtihan tapsyrýǵa daiyndalyp jatyr. Bul – óte mańyzdy, sebebi bul emtihan arqyly olar orta mektepti bitirgeni týraly qujat alady. Qazirgi ýaqytta QR Bilim jáne ǵylym ministriniń buiryǵy daiyndalyp jatyr. Biyl qorytyndy emtihan bolady. 9-synyp oqýshylary 3 emtihan tapsyrady, olar: oqytý tili boiynsha esse nysanynda jazbasha emtihan, matematikadan (algebradan) jazbasha emtihan. Sondai-aq, ózge tilde oqityn synyptarda qazaq tili men ádebieti boiynsha jazbasha emtihan jáne qazaq tilinde oqytatyn synypta orys tili men ádebieti boiynsha jazbasha emtihan», - deidi QR Bilim jáne ǵylym vitse-ministri Sholpan Karinova.
Ol 11-synyp oqýshylary 4 emtihan tapsyratynyn aitty.
«Oqytý tili boiynsha esse nysanynda jazbasha emtihan, algebra jáne analiz bastamalary páninen jazbasha emtihan, Qazaqstan tarihynan testileý jáne ózge tilde oqytatyn mektepterde qazaq tilinen jáne qazaq tilinde oqytatyn mektepterde orys tilinen testileý», - deidi ol.
