QR DSM Bas memlekettik sanitar dárigeri Erlan Qiiasovtyń jańa qaýlysy jariialandy, dep habarlaidy "Ult aqparat".
Jańa qaýlyǵa sáikes, qylmystyq-atqarý mekemelerinde sanitariialyq-dezinfektsiialyq rejimdi saqtaý algoritmi» atty 24-qosymshada 4-tarmaq ózgertildi.
«4. Maskalardy nemese respiratorlardy, rezeńke qolǵaptardy mindetti túrde paidalana otyryp jáne tergeý áreketterine qatysýshylar arasynda keminde 2 metr qashyqty saqtap, shuǵyl tergeý áreketin júrgizý úshin tergeýshige, advokatqa jáne qorǵaýshyǵa shyǵarýdy qospaǵanda, sottalǵandardyń, kúdiktilerdiń jáne aiyptalýshylardyń qatysýymen júrgiziletin barlyq sharalardy shekteý», - dep jazylǵan jańa qaýlyda.
Al 2020 jylǵy 25 jeltoqsandaǵy № 68 qaýlyda 2-tarmaqtyń 9) tarmaqshasy jańa redaktsiiada jazyldy.
«9) 2020-2021 oqý jylynyń úshinshi toqsanynda: – oqýshylar sany 300-ge deiin kontingenti bar, synyptarda 15-ten kóp emes bala sanymen qalalyq jáne aýyldyq mektepterde dástúrli formatta oqytýǵa;
– 2021 jylǵy 1 naýryzdan bastap jalpy bilim beretin mektepterde mektepaldy synyptardyń, 1 synyptan 5 synypqa deiin qosa alǵanda, halyqaralyq mektepterde 1 synyptan 7 synypqa deiin qosa alǵanda, synyptarda 25-ke deiin bala sanymen oqýshylardy aralas formatta oqytýǵa;
– oqý bitiretin synyptar (9, 11 (12) synyptar) úshin aptanyń 6 kúninde aralas formatta oqytýǵa: pánderdiń 70%-y shtattyq rejimde, 30%-y qashyqtan oqytýǵa (synypta 15 adamnan artyq emes, «1 synyp – 1 kabinet» qaǵidaty boiynsha oqytý, sanitariialyq-dezinfektsiialyq jáne maska rejimderin saqtaý);
– bilim berý mekemesi ákimshiliginiń sheshimimen sabaqtan tys ýaqytta 15 adamnan aspaityn toptarda oqýshylardy jeke oqytýǵa ruqsat berýdi qamtamasyz etsin», - delingen qaýlyda.
Sonymen birge, 2-tarmaqtyń 16) tarmaqshasyna da ózgerister engizilgen.
«16) osy qaýlyǵa 4-qosymshaǵa sáikes ólshemsharttar negizinde áleýmettik-ekonomikalyq nysandar qyzmetin shekteýdi qamtamasyz etsin. Bul rette karantindik sharalardy kúsheitý epidemiologiialyq jaǵdai asqynǵan jaǵdaida 5 kún ishinde júrgiziledi («jasyl» aimaqtan «sary» aimaqqa nemese «qyzyl» aimaqtan «sary» aimaqqa kóshý), karantindik sharalardy jeńildetý «qyzyl» aimaqtan «sary» aimaqqa nemese «sary» aimaqtan «jasyl» aimaqqa kóshken soń 7 kúnnen erte júrgizilmeidi;»;
Atalǵan qaýly 2021 jylǵy 9 naýryzda saǵat 00:00-den bastap kúshine enedi.
Qaýlynyń tolyq nusqasymen myna jerden tanysýǵa bolady.
